নগাঁও, 25 ডিচেম্বৰ : শনিবাৰৰ পৰা দুদিনীয়া কাৰ্যসূচীৰে নগাঁৱত অনুষ্ঠিত হ'ব সদৌ অসম জিলা প্ৰশাসন কৰ্মচাৰী সন্থাৰ একাদশ দ্বি-বাৰ্ষিক অধিবেশন । শনিবাৰে পুৱা 7.30 বজাৰ পৰা প্ৰতিনিধি পঞ্জীয়ন শিবিৰেৰে আৰম্ভ হ'ব দুদিনীয়া কেন্দ্ৰীয় অধিবেশন । শুকুৰবাৰে নগাঁও জিলা উপায়ুক্ত কাৰ্যালয়ৰ সভাকক্ষত সংবাদমেল আয়োজন কৰি অধিবেশনৰ কাৰ্যসূচী সন্দৰ্ভত অৱগত কৰে নগাঁও জিলা প্ৰশাসন কৰ্মচাৰী সন্থাই ।
নগাঁও জিলা প্ৰশাসন কৰ্মচাৰী সন্থাৰ সৌজন্যত অনুষ্ঠিত হ'বলগীয়া অধিবেশনৰ প্ৰথমদিনা পুৱা প্ৰতিনিধি শিবিৰ মুকলি কৰিব নগাঁও জিলা পৰিষদৰ মুখ্য কাৰ্যবাহী বিষয়া অৰূপ কুমাৰ শৰ্মাই । অধিবেশনৰ দ্বিতীয় দিনা মুকলি সভাত অংশগ্ৰহণ কৰিব ৰাজ্যৰ মুখ্যমন্ত্ৰী সৰ্বানন্দ সোণোৱালে ।
উল্লেখ্য যে, অনুষ্ঠানত বিশিষ্ট অতিথি হিচাপে উপস্থিত থাকিব বিত্ত আৰু স্বাস্থ্যমন্ত্ৰী ডঃ হিমন্ত বিশ্ব শৰ্মা, মন্ত্ৰী কেশৱ মহন্ত, পৰিমল শুক্লবৈদ্য ।
লগতে পঢ়ক : পূৱ বিলাসীপাৰাত ভাৰতীয় জনতা যুৱ মৰ্চাৰ সু-শাসন দিৱস উদযাপন
