জুৰিয়াত মানসিক বিকাৰগ্ৰস্ত ব্যক্তি নিৰুদ্দেশ

বাগৰিগুৰি গাঁৱৰ মানসিক বিকাৰগ্ৰস্ত পুৰুষ জন মৃত আব্দুল হাইৰ পুত্ৰ আবু শ্বহীদ প্ৰায় ৮-৯ দিন মান আগতে ঘৰৰ পৰা ৫০০ টকা লৈ উলাই যোৱাৰ পিচৰ পৰাই নিৰুদ্দেশ হৈ আছে ৷ আৰক্ষীয়েও কোনো সন্ধান উলিয়াব পৰা নাই লোকজনৰ ৷

চামগুৰি,17 নৱেম্বৰঃ নগাঁও জিলাৰ জুৰিয়া থানাৰ অন্তৰ্গত বগৰিগুৰি গাঁৱৰ এগৰাকী মানসিক বিকাৰ গ্ৰস্ত পুৰুষ নিৰুদ্দেশ হোৱাৰ ঘটনাক কেন্দ্ৰ কৰি পৰিয়ালৰ মাজত হাহাকাৰৰ সৃষ্টি হৈছে ৷ জানিব পৰা মতে,বাগৰিগুৰি গাঁৱৰ মানসিক বিকাৰগ্ৰস্ত পুৰুষ জন মৃত আব্দুল হাইৰ পুত্ৰ আবু শ্বহীদ প্ৰায় ৮-৯ দিন মান আগতে ঘৰৰ পৰা ৫০০ টকা লৈ হাজোত ধৰ্মীয় কামৰ বাবে ঘৰৰ পৰা উলাই যায় যদিও এতিয়ালৈকে লোকজন ঘৰলৈ উভতি অহা নাই ৷

নিৰুদ্দিষ্ট আবু শ্বহীদ

পৰিয়ালৰ লোকে বহু ঠাইত বিচাৰিছিল যদিও কোনো সন্ধান লাভ কৰা নাই লোকজনৰ ৷ নিৰুদ্দিষ্ট লোকজনক বিচাৰি হাবাথুৰি খাইছে পৰিয়ালৰ লোকসকল ৷ লোকজনৰ বয়স ৬০ বছৰ, পিন্ধনত লং পেন্ট জেকেট আৰু মূৰত গামোচা আছিল ৷ ঘটনা সন্দৰ্ভত পৰিয়ালৰ লোকে জুৰিয়া আৰক্ষী থানাত এখন এজাহাৰো দাখিল কৰিছে ৷ যদি কোনোবা সদাশয় ব্যাক্তিয়ে লোকজনৰ সন্ধান পাই অনুগ্ৰহ কৰি- ৭৪৯৯৯৮২৭৯০,অথবা ৯৯৯৫১০২১৮৪ যোগাযোগ কৰিবলৈ কাতৰ আহ্বান জনাইছে।
লগতে চাওকঃ নগাঁৱত উন্মোচন মাধ্যম আন্দোলনৰ শ্বহীদ অনিল বৰাৰ আৱক্ষ মূৰ্তি