মৰিগাঁও,7 এপ্ৰিল: ক্ৰমাৎ মৰিগাঁৱত বৃদ্ধি পাইছে ড্ৰাগছ সৰবৰাহৰ ঘটনা ৷ বুধবাৰে মৰিগাঁৱৰ ভূৰাগাঁৱত ড্ৰাগছসহ দুজন যুৱকক গ্ৰেপ্তাৰ কৰে আৰক্ষীয়ে ৷ ধৃত যুৱক দুজন ক্ৰমে আশ্বাদুল হক আৰু দিলোৱাৰ হুছেইন । যুৱকদ্বয়ক অধলাভেটিস্থিত বাসগৃহৰ পৰা আটক কৰে আৰক্ষীয়ে ৷ আৰক্ষীয়ে জনোৱা মতে দীৰ্ঘদিনৰ পৰা দুই যুৱকে আৰক্ষীৰ চকুত ধূলি দি ড্ৰাগছ সৰবৰাহ কৰি আহিছিল ৷
বুধবাৰে ভূৰাগাঁও আৰক্ষী থানাৰ ভাৰপ্ৰাপ্ত আৰক্ষী বিষয়া মৃদুল হাজৰিকাই গোপন সূত্ৰৰ পম খেদি ড্ৰাগছ সৰবৰাহকাৰী যুৱক দুজনৰ পৰা প্ৰায় 10 হাজাৰ টকা মূল্যৰ ড্ৰাগছৰ কণ্টেইনাৰসহ কৰায়ত্ব কৰাৰ লগতে নগদ ধন জব্দ কৰিবলৈ সক্ষম হয়। সম্প্ৰতি যুৱক দুজনৰ বিৰুদ্ধে ভূৰাগাঁও আৰক্ষী থানাত 58/2021 নম্বৰত গোচৰ পঞ্জীয়ন কৰি তদন্ত অব্যাহত ৰখা হৈছে ৷
লগতে পঢ়ক: যোগীঘোপাত হত্যাকাণ্ড সংঘটিত
