মৰিগাঁও,25 নৱেম্বৰঃ মৰিগাঁৱত অসম চেম্বাৰ্ছ অৱ কমাৰ্ছ মৰিগাঁও জিলা সমিতিয়ে সন্ধ্যা সদ্য প্ৰয়াত মুখ্যমন্ত্ৰী তৰুণ গগৈৰ প্ৰতিচ্ছবিত বন্তি প্ৰজ্বলন
কৰি শ্ৰদ্ধাঞ্জলি জনাই ৷ মৰিগাঁও জিলা সমিতিৰ উদ্যোগত মৰিগাঁও চহৰৰ মাজমজিয়াত থকা পুলিচ পইন্টত প্ৰাক্তন মুখ্যমন্ত্ৰী তৰুণ গগৈৰ প্ৰতিচ্ছবিত বন্তি প্ৰজ্বলন কৰাৰ লগতে এক মিনিট সময় মৌন প্ৰাৰ্থনা কৰি তেখেতৰ বিদেহ আত্মাৰ সদগতি কামনা কৰে ৷
অসম চেম্বাৰ্ছ অৱ কৰ্মাচৰ মৰিগাঁও জিলা সমিতি সভাপতি নিপুণ বৰাই কয় যে, সকলো লোকেই মৰ্মাহত দক্ষ ৰাজনীতিক গৰাকীৰ মৃত্যুত। সকলো জাতি ধৰ্ম বৰ্ণ নিৰ্বিশেষে তেখেতৰ আত্মাৰ সদ্গতিৰ বাবে নেদেখাজনৰ ওচৰত প্ৰাৰ্থনা জনাইছে । উল্লেখ্য যে,জনপ্ৰিয় প্ৰাক্তন মুখ্যমন্ত্ৰীজনৰ বিয়োগত ৰাজ্যৰ বিভিন্ন প্ৰান্তত শ্ৰদ্ধাঞ্জলি জ্ঞাপন কৰিছে গুণমুগ্ধসকলে ৷ তিনিবাৰকৈ মুখ্যমন্ত্ৰীৰ আসন শুৱনি কৰা তৰুণ গগৈৰ বৃহস্পতিবাৰে অন্ত্যেষ্টিক্ৰিয়া সম্পন্ন কৰা হ'ব ৷
লগতে চাওকঃ প্ৰাক্তন মুখ্যমন্ত্ৰী তৰুণ গগৈৰ মৃত্যুত শোক বাৰ্তা প্ৰেৰণ আলফা স্বাধীনৰ
