মৰিগাঁও,12 নৱেম্বৰ : এইবাৰ বিধানসভা নিৰ্বাচন নহয়,মৰিগাঁৱত শাসকীয় বিধায়ক ৰমাকান্ত দেউৰীৰ গাত লাগিছে তিৱা স্বায়ত্ব পৰিষদৰ নিৰ্বাচনৰ ৰাগী । দলে-বলে তিৱা স্বায়ত্ব পৰিষদৰ সন্মানীয় সমষ্টিত বজালে নিৰ্বাচনী ৰণডংকা ।
ৰাজ্যৰ অন্য দলসমূহে বিধান সভা নিৰ্বাচনৰ বাবে তৎপৰতা অব্যাহত ৰখোৱাৰ বিপৰীতে মৰিগাঁৱৰ শাসকীয় বিধায়ক ৰমাকান্ত দেউৰী নামি পৰিছে তিৱা স্বায়ত্ব পৰিষদ দখলৰ ৰাজনীতিত । ইয়াৰ ফলস্বৰূপে তেওঁ বৃহস্পতিবাৰে তিৱা স্বায়ত্ব পৰিষদৰ 8 নং দমাল সন্মানীয় সমষ্টিত এক ৰাজহুৱা সভাগৃহত অনুষ্ঠিত কৰে প্ৰাক তিৱা স্বায়ত্ব পৰিষদৰ নিৰ্বাচনী প্ৰচাৰ ।
উক্ত নিৰ্বাচনী প্ৰচাৰ সভাতে বিধায়ক গৰাকীয়ে আগন্তুক তিৱা স্বায়ত্ব পৰিষদৰ নিৰ্বাচনৰ বাবে দমাল সমষ্টিৰ প্ৰাৰ্থীৰ নাম ঘোষণা কৰাৰ লগতে সকলোকে ভোজ-ভাত খুৱায় ৷
মুঠৰ ওপৰত তিৱা স্বায়ত্ব পৰিষদৰ নিৰ্বাচন বাবে নিৰ্বাচনী আয়োগে কোনো অধিসূচনা জাৰি কৰাৰ পূৰ্বেই সমষ্টিটোত এক প্ৰকাৰৰ আৰম্ভ হ’ল ভোজ-ভাতৰ প্ৰতিযোগিতা ।
লগতে পঢ়ক : হোজাইত প্ৰয়াত সাংবাদিক পৰাগ ভূঞাৰ মৃত্যুত বন্তি প্ৰজ্বলন
