লাহৰীঘাট, 3 চেপ্তেম্বৰঃ ৰাজ্যত কিশোৰী অপহৰণ,ধৰ্ষণৰ দৰে ঘটনা দিনক দিনে বৃদ্ধি পোৱাৰ সময়তে মৰিগাঁও জিলাৰ লাহৰীঘাট সংঘটিত হয় এক জঘন্য অপহৰণ কাণ্ড ৷ ২৯ আগষ্টত এগৰাকী ১৬ বছৰীয়া কিশোৰীক ঘৰত কোনো নথকাৰ সুযোগ লৈ এইজন ৫০ বছৰীয়া তিনি সন্তানৰ পিতৃয়ে অপহৰণ কৰিছিল। কিশোৰী অপহৰণকাৰী লোকজনৰ নাম আব্দুল মুতালেব । ঘটনা সন্দৰ্ভত কিশোৰীগৰাকীৰ পিতৃয়ে লাহৰীঘাট আৰক্ষী থানাত এক গোচৰ ৰুজু কৰাত লাহৰীঘাট আৰক্ষীয়ে গোপন সূত্ৰৰ পম খেদি কিছামগুৰি চাপৰিত আত্মগোপন কৰি থকা অৱস্থাত কিশোৰীগৰাকীক উদ্ধাৰ কৰাৰ লগতে লোকজনক গ্ৰেপ্তাৰ কৰি মঙলবাৰে জেল হাজোতলৈ প্ৰেৰণ কৰে ।
লাহৰীঘাটত কিশোৰী অপহৰণ কৰি ৰঙা ঘৰৰ আলহী তিনি সন্তানৰ পিতৃ
