লক ডাউনৰ মাজতে পালন শ্ৰী শ্ৰী কড়চুং সত্ৰৰ প্ৰতিষ্ঠা দিৱস

সমগ্ৰ বিশ্বৰ শান্তিৰ লগতে কৰ'ণা মহামাৰীৰ পৰা যাতে বিশ্ববাসীয়ে মুক্তি লাভ কৰে তাৰ অৰ্থে শ্ৰী শ্ৰী কড়চুং সত্ৰৰ প্ৰতিষ্ঠা দিৱসত বন্তি প্ৰজ্বলন

মৰিগাঁও, 23 এপ্ৰিলঃ লক ডাউনৰ নীতি-নিয়ম মানি বুধবাৰে মৰিগাঁৱৰ ভূৰবন্ধাত পালন কৰা হয় শ্ৰী শ্ৰী কড়চুং সত্ৰৰ প্ৰতিষ্ঠা দিৱস ৷ সত্ৰৰ পৰম্পৰা আৰু প্ৰচলিত ৰীতিমতেই তথা লক ডাউনৰ পৰিপ্ৰেক্ষিতত সীমিত সংখ্যক ভকত বৈষ্ণৱৰ উপস্থিতিত পালন কৰা হয় সত্ৰৰ প্ৰতিষ্ঠা দিৱস ৷ ইপিনে সত্ৰ পৰিচালনা সমিতিৰ সভাপতি আৰু সত্ৰাধিকাৰগৰাকীয়ে মন্তব্য কৰি কয় যে,এইবাৰ কৰ'ণাৰ আতংকৰ বাবে কেৱল মাত্ৰ ৫ গৰাকী ভকত লগ হৈ ভাগৱত পাঠৰ লগতে সমগ্ৰ বিশ্বৰ শান্তিৰ অৰ্থে তথা কৰ'ণা মহামাৰীৰ পৰা যাতে বিশ্ববাসীয়ে মুক্তি লাভ কৰে তাৰ বাবে বন্তি প্ৰজ্বলন কৰা হয় সত্ৰৰ প্ৰতিষ্ঠা দিৱসত ৷

লগতে পঢ়কঃনগাঁৱত কেইবালক্ষ টকাৰ নিচাজাতীয় ঔষধ জব্দ