মৰিগাঁও, ৫ এপ্ৰিল : শুকুৰবাৰে মৰিগাঁৱত অনুষ্ঠিত হয় বিজেপিৰ এখন বিশাল নিৰ্বাচনী সভা । এই নিৰ্বাচনী সভাত বিজেপিৰ মনোনীত প্ৰাৰ্থী ৰূপক শৰ্মাৰ হৈ প্ৰচাৰ চলায় ৰাষ্ট্ৰীয় অধ্যক্ষ অমিত শ্বাহে । 'আকৌ এবাৰ মোডী চৰকাৰ' বুলি শ্ল'গান দি দহ নং নগাঁও লোকসভা সমষ্টিৰ বিজেপিৰ মনোনীত প্ৰাৰ্থী ৰূপক শৰ্মাৰ হৈ নিৰ্বাচনী প্ৰচাৰ চলায় মুখ্য মন্ত্ৰী সৰ্বানন্দ সোণোৱাল,ডঃহিমন্ত বিশ্ব শৰ্মা, ৰাষ্ট্ৰীয় সভাপতি অমিত শ্বাহ,ৰমেন ডেকা, সিদ্ধাৰ্থ ভট্ৰাচাৰ্য, বিজয়া চক্ৰৱৰ্তী, পীয়ুষ হাজৰিকা, ৰমাকান্ত দেউৰী,ডিম্বেশ্বৰ দাসকে ধৰি আঙুৰলতা ডেকাই । হাই প্ৰফাইল নেতাসকলে উন্নয়নৰ প্ৰতিশ্ৰুতিৰে ৰূপক শৰ্মাক নিৰ্বাচিত কৰাৰ লগতে কেন্দ্ৰত পুনৰ মোডী চৰকাৰ গঠন কৰাত সহায় কৰিবলৈ ৰাইজক আহ্বান জনায় ৷
মৰিগাঁৱত হাই-প্ৰফাইল নেতাৰ নিৰ্বাচনী প্ৰচাৰ সভা
