মৰিগাঁও,28 ফেব্ৰুৱাৰীঃ 2021 বৰ্ষৰ গ্ৰীণ মৰিগাঁও বঁটা বঘৰা ৰাজ্যিক চিকিৎসালয়লৈ আগবঢ়াইছে স্বেচ্ছাসেৱী সংগঠন এণ্টিগ্ল'বেল ছ’চাইটি মৰিগাঁৱে । সেই উপলক্ষে শনিবাৰে মৰিগাঁৱৰ পবিতৰাহাটস্থিত ড৹ হিমাংশু শৰ্মা সোঁৱৰণি প্ৰেক্ষাগৃহত অনুষ্ঠিত হোৱা এক গাম্ভীৰ্যপূৰ্ণ অনুষ্ঠানত চিকিৎসালয়লৈ প্ৰদান কৰা হয় এই বঁটা ।
উল্লেখ্য যে, নগদ 25 হাজাৰ টকাৰ চেক, মানপত্ৰ, মমেণ্ট'ৰ লগতে গছপুলিৰে চিকিৎসালয়খনত কৰ্মৰত চিকিৎসক অমৰজ্যোতি ডেকা সহিতে চিকিৎসালয় কৰ্তৃপক্ষক আগবঢ়োৱা হৈছে বঁটাটো । মৰিগাঁৱৰ বহুকেইজন আগশাৰীৰ ব্যক্তি উপস্থিত থকা এই সভাখনৰ আঁত ধৰে মৰিগাঁও মহাবিদ্যালয়ৰ অধ্যক্ষ তথা স্বেচ্ছাসেৱী সংগঠনটোৰ সভাপতি ড৹ লীলা বৰঠাকুৰ আৰু সম্পাদক মৃদুল কুমাৰ শৰ্মাই । উল্লেখযোগ্য যে, সংগঠনটোৰ প্ৰয়াত সম্পাদক ড৹ হিমাংশু শৰ্মাৰ স্মৃতিত এই অনুষ্ঠান আয়োজন কৰা হৈছিল ।
