ধিং, ২৮ এপ্ৰিল: ড্ৰাগছৰ ক'লা বেহাৰে জড়িত অসাধু ব্যৱসায়ীৰ বিৰুদ্ধে অভিযান লাহৰিঘাট আৰক্ষীৰ । ধিঙৰ আটি গাঁৱত অভিযান চলাই আৰক্ষীয়ে গ্ৰেপ্তাৰ কৰে এটা ড্ৰাগছ ব্যৱসায়ী । গোপন সূত্ৰৰ পম খেদি লাহৰিঘাট আৰক্ষী থানাৰ ভাৰপ্ৰাপ্ত বিষয়া অদিত বড়োৰ নেতৃত্বত অভিযান চলাইছিল আৰক্ষীৰ এটা দলে । ধৃত ব্যৱসায়ীটোৰ নাম জন আবু হানিফ ।
আৰক্ষীয়ে ব্যৱসায়ীটোৰ পৰা ড্ৰাগছ ব্যৱসায়ত ব্যৱহৃত বহু কেইটা কণ্টেইনাৰ আৰু নিচাজাতীয় ঔষধ জব্দ কৰে । সম্প্ৰতি লাহৰিঘাটৰ আৰক্ষীয়ে ড্ৰাগছ ব্যৱসায়ীটোৰ বিৰুদ্ধে নিজাববীয়াকৈ গোচৰ ৰুজু কৰি জেল হাজোতলৈ প্ৰেৰণ কৰিছে ।
লগতে পঢ়ক:ৰাজ্যিক দুৰ্যোগ ব্যৱস্থাপনা প্ৰাধিকৰণৰ জৰুৰীকালীন টোল ফ্ৰী নম্বৰ মুকলি
