ধিং,12 মে': লাহৰীঘাটৰ ভূৰাগাঁৱত বজ্ৰ পৰি এজন নিহত ৷ মহামাৰী কৰ’ণাই ভয়াৱহ ৰূপ ধাৰণ কৰাৰ সময়তে বুধবাৰে লাহৰীঘাটৰ ভূৰাগাঁৱত বজ্ৰ পৰি এজন নিহত হোৱা ঘটনাই চাঞ্চল্যৰ সৃষ্টি কৰিছে অঞ্চলটোত । বজ্ৰ পৰি নিহত হোৱা ব্যক্তিজন ভূৰাগাঁও আৰক্ষী থানাৰ অন্তৰ্গত কুপতিমাৰি গাঁৱৰ আব্দুল মালেক(৩৫) বুলি জানিব পৰা গৈছে ।
পুৱা পথাৰত কাম কৰি থকা সময়তে হঠাতে অহা বৰষুণৰ লগতে বজ্ৰ পৰি আব্দুল মালেকৰ মৃত্যু ঘটাৰ বিপৰীতে গুৰুতৰভাৱে আহত হয় ছমেদ আলী নামৰ আন এগৰাকী ব্যক্তি । মৃত লোকজনক পৰৱৰ্তী সময়ত ভূৰাগাঁও আৰক্ষীয়ে মৰণোত্তৰ পৰীক্ষাৰ বাবে মৰিগাঁও অসামৰিক চিকিৎসালয়লৈ প্ৰেৰণ কৰে ।
লগতে পঢ়ক : হোমেন বৰগোহাঞিৰ মৃত্যুত আলফা(স্বা)ৰ শোক প্ৰকাশ
