মাজুলী, 18 মে' : সত্ৰনগৰী মাজুলীৰ গড়মূৰত নিশা চোৰৰ অভিযান ৷ মাজুলী মহাবিদ্যালয়ৰ অধ্যাপক জীতেন ডেকাৰ গড়মূৰৰ বাসগৃহত শুকুৰাবাৰে নিশা দৰ্জা ভাঙি প্ৰৱেশ কৰি চোৰে চলালে অভিযান ৷ লুটি নিলে তিনি লক্ষাধিক নগদ ধনৰ লগতে সোণৰ আ- অলংকাৰসহ তিনিখনকৈ এ টি এম কাৰ্ড ৷ পৰিয়ালটোৰ লোকসকল গড়মূৰত অনুষ্ঠিত বিহু অনুষ্ঠান চাবলৈ যোৱাৰ সময়তে চোৰে ঘৰটোত প্ৰৱেশ কৰি সংঘটিত কৰে চুৰিকাণ্ড ৷ উল্লেখ্য যে, বিগত দুদিনত দুবাৰকৈ মাজুলীৰ গড়মূৰত সংঘটিত হৈছে চুৰি কাণ্ডৰ ঘটনা ৷ ইপিনে ঘটনা সম্পৰ্কত আৰক্ষীক খবৰ দিয়াৰ আৰক্ষী উপস্থিত হৈ আৰম্ভ কৰিছে তদন্ত প্ৰক্ৰিয়া ৷
সত্ৰনগৰী মাজুলীত চোৰৰ তাণ্ডৱ
