মাজুলী, 20 ফেব্ৰুৱাৰী : বহু জল্পনা কল্পনাৰ অন্তত মাজুলীৰ AJP ৰ কাৰ্যালয়ত প্ৰাক্তন মন্ত্ৰী ৰাজীৱ লোচন পেগু (Majuli by election 2022) । চিত্তৰঞ্জন বসুমতাৰী পুৰ্ণ সমৰ্থন ৰাজীৱ লোচন পেগুৰ । সক্ৰিয়ভাৱে চিত্ৰ বসুমতাৰিৰ হৈ নিৰ্বাচনী প্ৰচাৰ চলাব প্ৰাক্তন মন্ত্ৰীগৰাকীয়ে (Rajib Lochan Pegu visited AJP office in Majuli) । প্ৰাপ্ত তথ্য অনুসৰি, কংগ্ৰেছৰ জিলা সভাপতি পদ ত্যাগ কৰাৰ পাছৰে পৰা নিস্ক্ৰিয় হৈ আছিল পেগু ।
পৰৱৰ্তী সময়ত পেগুৰ বিজেপি গমনক লৈও সৰব হৈছিল চৰ্চা। ইয়াৰ মাজতে, দেওবাৰে মাজুলীৰ অজাপৰ কাৰ্যালয়ত প্ৰাক্তন মন্ত্ৰী ৰাজীৱ লোচন পেগু উপস্থিত হোৱাত সকলোতে চলিছে চৰ্চা । আনহাতে, সংবাদ মাধ্যমৰ আগত প্ৰাক্তন মন্ত্ৰীগৰাকীয়ে ভূবন গাম সৰ্বানন্দ সোণোৱালৰ যোগ্য উত্তৰসূৰী নহয়, বিধানসভাত তেওঁ মাজুলীৰ হৈ মাত মাতিব নোৱাৰিব বুলিও মন্তব্য কৰে ৷ ইয়াৰ লগতে তেওঁ কয় যে, ‘‘ দলীয় নীতি-নিৰ্দেশ মানি আহিছো আৰু চিত্তৰঞ্জন বসুমতাৰীক সমৰ্থন কৰিবলৈ ওলাই আহিছো । কংগ্ৰেছতে আছো আৰু থাকিম’’ ।
ইয়াৰ লগতে চিত্তৰঞ্জন বসুমতাৰীক মাজুলীৰ ৰাইজে জিকাব, বাহুবল-ধনবলৰ বিৰুদ্ধে মাজুলীৰ ৰাইজে থিয় দিব বুলিও মন্তব্য কৰে পেগুৱে ৷ লগতে তেওঁ বিৰোধী দলকো কঠোৰ সমালোচনা কৰে ৷
লগতে পঢ়ক : ৰাজ্যসভা নিৰ্বাচন 2022: মুখ্যমন্ত্ৰীয়ে ভাল দেখে যাক...
