মাজুলী, 18 মে’: সমগ্ৰ দেশৰ লগতে অসমতো ক'ভিডৰ দ্বিতীয় ঢৌৱে ত্ৰাসৰ সৃষ্টি কৰিছে ৷ কিন্তু ক’ভিডৰ ভয়াৱহতাৰ এই সময়তো একাংশ লোকে চৰকাৰৰ নীতি নিৰ্দেশনা উলংঘা কৰা পৰিলক্ষিত হৈছে । মাজুলীতো একাংশ লোকে এতিয়াও মানি চলা নাই ক’ভিড প্ৰট’কল ।
ক’ভিড প্ৰট’কল উলংঘা কৰি মাজুলীলৈ বিপদ মাতিছে একাংশই
মাজুলীৰ উজনি মাজুলী অসম গ্ৰামীণ বিকাশ বেংকত মঙলবাৰে দেখা গ’ল দীঘলীয়া শাৰী । একাংশৰ মুখত নাই মাস্ক, মানি চলা নাই সামাজিক দূৰত্ব । ইতিমধ্যে মাজুলীৰ কেইবাটাও অঞ্চলত কৰ’ণাৰ গণ সংক্ৰমণৰ তথ্যও পোহৰলৈ অহিছে ৷ ইতিমধ্যে জিলাখনত 165 গৰাকী লোক এই মহামাৰীত আক্ৰান্ত হৈছে ৷
যিটো সময়ত ক'ভিডক প্ৰতিহত কৰাৰ বাবে চৰকাৰে বিভিন্ন নীতি নিৰ্দেশনা প্ৰৱৰ্তন কৰিছে ৷ সেই সময়তেই এনেধৰণৰ দৃশ্যই সকলো সচেতন লোকৰ মনলৈ শংকা কঢ়িয়াই আনিছে ।
লগতে পঢ়ক: মুখ্যমন্ত্ৰীৰ শোক পত্ৰ লৈ প্ৰয়াত হোমেন বৰগোহাঞিৰ বাসগৃহত মন্ত্ৰী পীযুষ হাজৰিকা
