মাজুলী, 4 ডিচেম্বৰ : অৱশেষত যোৰহাট জিলা সত্ৰ ন্যায়াধীশ আদালতে 26 নৱেম্বৰত ৰায়দান দিলে মাজুলীৰ সত্ৰধিকাৰ জনাৰ্দ্দন দেৱ গোস্বামীক(Majuli Session Court verdict Janardhan Dev Goswami)৷ দোষমুক্ত হ'ল সত্ৰধিকাৰ জনাৰ্দ্দন দেৱ গোস্বামী | গীৰ্জা ভঙাৰ অপৰাধত 2018 বৰ্ষত আইনৰ ৰোষত পৰিছিল সত্ৰধিকাৰগৰাকী ৷
উল্লেখ যে, খ্ৰীষ্টান মিছনেৰীৰ কৰাল গ্ৰাসত পৰা এটকা মহন্তৰ পীঠস্থান মাজুলী (majuli island of assam)ত খৃষ্টানৰ বিৰুদ্ধে জেহাদ চলাইছিল এই গৰাকী সত্ৰধিকাৰে । ইয়াৰ পাছতেই গীৰ্জা ভঙা অপৰাধত এই গৰাকী সত্ৰাধিকাৰৰ ওপৰত গোচৰ তৰিছিল প্ৰশান্ত পায়েং নামৰ এজন যুৱকে। যুৱক জনৰ গোচৰৰ ভিত্তিত 2018 চনৰ 5 ছেপ্টেম্বৰত সত্ৰধিকাৰ গৰাকীলৈ আহিছিল চমন । ইয়াৰ পিছতে 11 ছেপ্টেম্বৰত মাজুলীৰ আদালতত হাজিৰ হয় সত্ৰধিকাৰগৰাকী । পৰৱৰ্তী সময়ত ন্যায়ালয়ে তেওঁক দোষী সাব্যস্ত কৰি 10,500 টকাৰ জৰিমনা বিহে।
আদালতৰ এই সিদ্ধান্তক প্ৰত্যাহ্বান জনাই সত্ৰধিকাৰ গৰাকী যোৰহাট সত্ৰ ন্যায়াধীশ আদালত (Jorhat session court)ৰ কাষ চাপে । প্ৰায় আঢ়ৈ বছৰজোৰা আইনী যুঁজৰ অন্তত যোৱা ২৬নৱেম্বৰত যোৰহাট সত্ৰ ন্যায়াধীশৰ আদালতে সত্ৰাধিকাৰ গৰাকীক দোষ মুক্ত ঘোষণা কৰে ।
ইয়াৰ পাছতেই এতিয়া উৎফুল্লিত হৈ পৰিছে সত্ৰবাসীৰ লগতে বিশ্ব হিন্দু মহাসংঘ (Vishwa Hindu Mahasangh) । সেয়ে বিশ্ব হিন্দু মহাসংঘৰ মাজুলী জিলা সমিতিয়ে সংবাদমেল অনুষ্ঠিত কৰি উৎসাহ প্ৰকাশ কৰাৰ লগতে সত্ৰধিকাৰ গৰাকীক কৰিলে শুভেচ্ছা জ্ঞাপন ।
লগতে পঢ়ক : প্ৰাণৰ সংশয়ত ভুগিছে মাজুলীৰ এজন সত্ৰাধিকাৰ
