মাজুলী, ১৭ নৱেম্বৰ: ৰাজ্যৰ ভিন্ন প্ৰান্তৰ লগতে খোদ মুখ্যমন্ত্ৰীৰ সমষ্টিতো নিজৰ সুৰক্ষাক লৈ শংকিত হৈ পৰিছে সাংবাদিকসকল। ধাৰাবাহিকভাৱে সাংবাদিকৰ ওপৰত চলা আক্ৰমণ ৰোধ কৰিবলৈ যথোচিত ব্যৱস্থা গ্ৰহণৰ বাবে দাবী জনাই মঙলবাৰে মাজুলীৰ গড়মূৰত প্ৰতিবাদী কাৰ্যসূচী ৰূপায়ণ কৰে সাংবাদিকসকলে। আপকু মাজুলী জিলা সমিতিৰ সহযোগত মাজুলী জিলা সাংবাদিক সন্থাই আহ্বান কৰা এই প্ৰতিবাদী কাৰ্যসূচীত অংশগ্ৰহণ কৰে জিলাখনৰ সকলো সাংবাদিক আৰু বিভিন্ন দল-সংগঠনে।
সাংবাদিক আক্ৰমণৰ ঘটনাৰে জড়িত লোকসকলক কৰায়ত্ত কৰি উচিত শাস্তি প্ৰদানৰ দাবী জনায় সাংবাদিকসকলে। লগতে গৃহ বিভাগৰ দায়িত্ব মুখ্যমন্ত্রীয়ে লোৱাৰ লগতে আৰক্ষীকে ধৰি প্রশাসনৰ বিভিন্ন বিভাগ থকা পিছতো দিনক দিনে অসমত সাংবাদিক আক্রমণ বৃদ্ধি হোৱা ঘটনাক দুভাগ্যজনক আখ্যা দিয়ে প্ৰতিবাদকাৰীয়ে।
লগতে পঢ়ক:বৰপেটাৰ হাউলীত চণ্ডী বৰুৱা স্মৃতি ভৱন উন্মোচন মুখ্যমন্ত্ৰীৰ
