মাজুলী, ২১ মে': ৰাজ্য চৰকাৰৰ নিৰ্দেশনা অনুসৰি, শুকুৰবাৰৰ পৰা অসমত আন্তঃজিলা যাতায়ত ১৫ দিনৰ বাবে বন্ধ হৈ পৰিল । পুৱা ৫ বজাৰ পৰাই বন্ধ হ'ল ইখন জিলাৰ পৰা সিখন জিলালৈ যাতায়ত ।
ইয়াৰ সমান্তৰালকৈ শুকুৰবাৰে পুৱাৰে পৰা বন্ধ হ'ল মাজুলী-নিমাতী ফেৰী সেৱা । আজিৰ পৰা যান-বাহন চলাচল বন্ধৰ কাৰ্যকৰী হোৱাৰ সমান্তৰালকৈ বন্ধ হৈ পৰিছে মাজুলী-নিমাতী ফেৰী সেৱাও । শুকুৰবাৰৰ পৰা আগন্তুক ১৫ দিনৰ বাবে বন্ধ থাকিব মাজুলী-নিমাতী ফেৰী সেৱা ।
কোনেও যাতে ক'ভিড সংক্ৰমণ অধিক বৃদ্ধি কৰিব নোৱাৰে তাৰ প্ৰতি লক্ষ্য ৰাখি এই সিদ্ধান্ত গ্ৰহণ কৰিছে ৰাজ্য চৰকাৰে । আগন্তুক ১৫ দিনলৈ ইখন জিলাৰ পৰা সিখন জিলালৈ চলাচল কৰিব নোৱাৰিব কোনো ৰাজহুৱা আৰু ব্যক্তিগত বাহন । অৱশ্যে জৰুৰীকালীন সেৱাসমূহক এই ক্ষেত্ৰত ৰেহাই হিয়া হ'ব ।
লগতে পঢ়ক: বাইহাটাত আটক 4 ধৰ্ষণকাৰী
