মাজুলী,3 জুনঃ বুধবাৰে পুৱা মাজুলীৰ অফলামুখ 3 নং শৈল স্পাৰত উদ্ধাৰ কৰা হয় এটি প্ৰকাণ্ড বন্যহস্তীৰ মৃতদেহ । মৃত হাতীটোৰ অনুমানিক বয়স 10 ৰ পৰা 15 বছৰ হ'ব বুলি জানিবলৈ দিয়ে বন বিভাগে । অফলামুখ ৩নং শৈল স্পাৰত স্থানীয় ৰাইজে মৃত হাতীটো পোন প্ৰথমে প্ৰত্যক্ষ কৰি বন বিভাগ আৰু বনগাঁও আৰক্ষী চকীত খবৰ দিয়ে ।
পিচত ঘটনাস্থলীত বন বিভাগৰ লোক উপস্থিতি হৈ হাতীটো পানীৰ পৰা উদ্ধাৰ কৰি মৃতদেহটোৰ মৰণোত্তৰ পৰীক্ষাৰ বাবে যাৱতীয় ব্যৱস্থা গ্ৰহণ কৰে। কিন্তু হাতীটোৰ মৃত্য়ুৰ প্ৰকৃত কাৰণ বৰ্তমানলৈকে জানিব পৰা হোৱা নাই ।
আনহাতে মাজুলীত 21 মে' পৰা এটা বৃহৎ হাতীৰ যাকে মাজুলীৰ ভিন্ন ঠাইত সন্ত্ৰাসৰ সৃষ্টি কৰি আহিছিল । সেই জাকৰে এটা হাতী হ'ব পাৰে নেকি, সেই সন্দৰ্ভত মাজুলীৰ চৰ অঞ্চল সমূহৰ পৰা ইমান এটা ডাঙৰ হাতী উতুৱাই আনিব পৰাকৈ পানী হোৱা নাই বুলি উল্লেখ কৰে বন বিভাগে ।
মৰণোত্তৰ পৰীক্ষাৰ বাবে হাতীটো পাৰলৈ উঠাই অনা হয় যদিও মৃত্যুৰ প্ৰকৃত কাৰণ উলিয়াব নোৱাৰিলে পশু চিকিৎসকৰ দলটোৱে । স্থানীয় ৰাইজে ডিব্ৰু চৈখোৱাত যি অইল ইণ্ডিয়াৰ পাইপেৰে গেছ নিৰ্গত হৈ আছিল তাৰ ফলতে এই হাতীটোৰ মৃত্যু হোৱা বুলি সন্দেহ প্ৰকাশ কৰিছে । চিকিৎসকগৰাকীয়ে উল্লেখ কৰা অনুসৰি হাতীটো দীৰ্ঘ সময় ধৰি পানীত পৰি থকাৰ বাবে ভিতৰৰ সকলো গেলি যোৱাৰ ফলত নমুনা সংগ্ৰহ কৰাত বিফল হৈছে ।
লগতে চাওকঃ ছবিজগতত ৩৬ টা বছৰ সম্পূৰ্ণ অভিনেতা অনুপম খেৰৰ
