লখিমপুৰ, 18 অক্টোবৰ : বিগত 7 দিনৰ পৰা সন্ধানহীন হৈ আছে লখিমপুৰৰ এগৰাকী তিনি সন্তানৰ মাতৃ ৷ লখিমপুৰ জিলাৰ চাউলধোৱা আৰক্ষী চকীৰ অন্তৰ্গত কাটৰি চাপৰি যোৰহটীয়া গাঁৱৰ এগৰাকী তিনি সন্তানৰ মাতৃ বিগত সাত দিনে সন্ধানহীন হৈ থকাৰ ঘটনাই অঞ্চলজুৰি চাঞ্চল্যৰ সৃষ্টি কৰিছে । সন্ধানহীন হোৱা মহিলাগৰাকীৰ নাম সংগীতা হাজৰিকা বুলি পৰিয়ালৰ লোকে প্ৰকাশ কৰিছে ।
স্বামীৰ মন্তব্য
ঘটনাৰ বিৱৰণ অনুসৰি, 12 অক্টোবৰৰ পুৱা 9 মান বজাত দিন হাজিৰা কৰি খোৱা খুদ্ৰেশ্বৰ হাজৰিকা নামৰ লোকজনৰ পত্নী সংগীতা হাজৰিকা বগীনদীলৈ বিশেষ কামলৈ বুলি ওলাই গৈ ঘৰলৈ উভতি অহা নাই ৷ ঘটনা সন্দৰ্ভত স্বামীয়ে চাউলধোৱা আৰক্ষী চকীত এজাহাৰ দাখিল কৰিছে ।
আনহাতে, মহিলা গৰাকী পৰকীয়া প্ৰেম অথবা নাৰী দেহ সৰবৰাহকাৰী চক্ৰৰ কবলত পৰাৰো সন্দেহ প্ৰকাশ কৰিছে একাংশ লোকে ।
লগতে পঢ়ক : মুক্তি পালে ভক্তিমূলক গীত "নামঘৰ"
