লখিমপুৰ, 2 জুনঃ লকডাউনৰ মাজতেই এখন পালচাৰ বাইক চুৰি কৰি বিহপুৰীয়া আৰক্ষীৰ জালত পৰিল দুই গভাইত বাইক চোৰ । লকডাউনৰ সময়ত বিহপুৰীয়া নগৰৰ পৰা বাইক চুৰি কৰি উধাও হৈছিল ক্ৰমে ৱাচিম আনচাৰী আৰু চুলতান মোল্লা নামৰ ধৃত চোৰ দুজন । এক গোপন খবৰৰ ভিত্তিতেই বিহপুৰীয়া আৰক্ষী থানাৰ ভাৰপ্ৰাপ্ত বিষয়াৰ নেতৃত্বত চলা এক অভিযানত ধলপুৰৰ পৰা চুৰি বাইকসহ আৰক্ষীয়ে আটক কৰিবলৈ সক্ষম হয় দুই চোৰক ।
উল্লেখ্য যে, দুই বাইক চোৰ আৰক্ষীৰ জালত পৰিছে যদিও এতিয়াও পলাতক অৱস্থাত আছে তিনিজনীয়া বাইক চুৰি দলটোৰ আন এজন সদস্য । বৰ্তমানে দুই চোৰক সোধা পোচা কৰি পলাতক বাইক চোৰৰ সন্ধানত নামি পৰিছে আৰক্ষী দলটো ।
