লখিমপুৰ,8 জানুৱাৰীঃ সোৱনশিৰি নদীৰ খহনীয়াৰ স্থায়ী সমাধানৰ বাবে এনএইচপিচি কৰ্তৃপক্ষই প্ৰদান কৰা ৪০ কোটি টকীয়া চাৰিখন আঁচনিৰ শুকুৰবাৰে আধাৰশিলা স্থাপন কৰে ৰাজ্য চৰকাৰৰ সাংস্কৃতিক মন্ত্ৰী তথা ঢকুৱাখনা বিধানসভা সমষ্টিৰ বিধায়ক নৱ কুমাৰ দলেই । ইপিনে লখিমপুৰ জিলাৰ কদম ৰাজহ চক্ৰ অন্তৰ্গত তথা বগীনদী উন্নয়ন খণ্ডৰ অন্তৰ্গত সোৱণশিৰি নদীৰ খহনীয়া প্ৰতিৰোধক কেন্দ্ৰ কৰি ৰূপায়ন কৰিবলৈ লোৱা এই আঁচনি সমূহৰ আধাৰশিলা স্থাপন কৰা কাৰ্যসূচীত মন্ত্ৰী গৰাকীক সংগ দিয়ে লখিমপুৰ লোকসভা সমষ্টিৰ সাংসদ প্ৰদান বৰুৱাই ।
বগীনদীত ৪০ কোটি টকীয়া চাৰিখন আঁচনিৰ আধাৰশিলা স্থাপন একেদৰে জিলাখনৰ ভীমপৰা পঞ্চায়তৰ হেকেৰাজান, ভীমপৰা পথাৰ, ভীমপৰা শিঙৰী আৰু চাউলধোৱা পঞ্চায়তৰ কাতৰিচাপৰীত এনএইচপিচি কৰ্তৃপক্ষই ৰূপায়ন কৰিব লোৱা আঁচনিৰ আধাৰশিলা স্থাপন কাৰ্যসূচীত অংশগ্ৰহণ কৰিবলৈ বগীনদীত উপস্থিত হোৱা মন্ত্ৰী গৰাকীয়ে দিনৰ প্ৰায় ১১ বজাত পোনপ্ৰথমে হেকেৰাজানত আধাৰশিলা স্থাপন কৰি বাকী অন্য তিনিখন আঁচনিৰ আধাৰশিলা স্থাপন কৰে । তাৰ পিছতেই বিয়লি ৪ বজাত বিধায়ক পূঁজিৰে নিৰ্মাণ হ’ব লগীয়া বগীনদী উন্নয়ন ঐক্যমঞ্চৰ ৫ লাখটকীয়া এটি কাৰ্যলয় গৃহৰ আধাৰশিলা স্থাপন কৰা কাৰ্যসূচীত মন্ত্ৰী গৰাকী উপস্থিত থাকি আধাৰশিলা স্থাপন কৰে। লগতে পঢ়কঃ
উচ্চতম ন্যায়ালয়ে খাৰিজ কৰিলে আবু চালেমৰ আবেদন
