লখিমপুৰ,1 জুন: সোমবাৰে বিয়লি লখিমপুৰত বজ্ৰপাতৰ ফলত এজন লোকৰ মৃত্যু হয় । মৃত লোকজন লখিমপুৰ নগৰৰ সমীপৰ এচাৰিখনা নাথ গাঁৱৰ চন্দিৰাম নাথ । মৃত্যুৰ সময়ত নাথৰ বয়স প্ৰায় 50 বছৰ আছিল বুলি জানিব পৰা গৈছে ৷
লখিমপুৰত বজ্ৰপাতত এজনৰ মৃত্যু
উল্লেখযোগ্য যে,পুৱাৰে পৰা পথাৰত কাম কৰি থকা নাথৰ বিয়লি আকস্মিকভাৱে বজ্ৰপাতত মৃত্যু হয় ৷ সোমবাৰে বিয়লি সংঘটিত হোৱা এই শোকাৱহ ঘটনাটোৰ সাক্ষী হৈ ৰয় মৃত চন্দিৰাম নাথৰ ওচৰতে কাম কৰি থকা তেওঁৰ পত্নী ৷ নাথৰ পত্নীয়েও বজ্ৰপাতৰ ফলত অচেতন হৈ বাগৰি পৰে যদিও দৈৱক্ৰমে প্ৰাণৰক্ষা পৰে ।
ইফালে, সোমবাৰৰ দিনটোত বজ্ৰপাতৰ ফলত বিশ্বনাথৰ বিহালীতো এগৰাকী 16 বছৰীয়া কিশোৰৰ মৃত্যু হয় ৷
