লখিমপুৰ,25 মাৰ্চ: নিৰ্বাচনী আচৰত বিধি উলংঘা কৰা অভিযোগত অভিযুক্ত হ'ল অগপৰ সভাপতি অতুল বৰা ৷ জানিব পৰা মতে লখিমপুৰত অগপৰ সভাপতি অতুল বৰাৰ বিৰুদ্ধে গোচৰ তৰিছে অতিৰিক্ত উপায়ুক্ত তথা নিৰ্বাচনী আচৰণ বিধি কোষৰ বিষয়াই ।
উল্লেখ্য যে, যোৱা ২২ মাৰ্চত লখিমপুৰৰ নাওবৈচা সমষ্টিৰ যুৱ নগৰ হাইস্কুল খেলপথাৰত আয়োজিত নিৰ্বাচনী প্ৰচাৰ সভাত নিৰ্বাচনী বিধি উলংঘা কৰি অতুল বৰাই দিছিল ভাষণ । সভাপতি বৰাই দলীয় প্ৰাৰ্থী জয়ন্ত খাউণ্ডৰ হৈ চলাইছিল প্ৰচাৰ । উক্ত প্ৰচাৰ সভাত অতুল বৰাই ইভিএমত কোনে কাক ভোট দিয়ে সকলো জনা যায় বুলি মন্তব্য প্ৰকাশ কৰিছিল অতুল বৰাই ৷