লখিমপুৰ, ৯ এপ্ৰিলঃ প্ৰথম পৰ্যায়ৰ লোকসভা নিৰ্বাচনলৈ মাজত মাথো এদিন সময় । অসমৰ পাঁচটাকৈ সমষ্টিত অনুষ্ঠিত হ'ব প্ৰথম পৰ্যায়ৰ নিৰ্বাচন । আনহাতে আজি বিয়লিলৈ অন্ত পৰিব প্ৰথম পৰ্যায়ৰ নিৰ্বাচনী প্ৰচাৰ । প্ৰথম পৰ্যায়ৰ নিৰ্বাচনলৈ মাজত এদিন সময় থকা অৱস্থাতে ৰাজনৈতিক দলসমূহৰ মাজত বৃদ্ধি পোৱা পৰিলক্ষিত হৈছে পূৰ্ণকালীন ব্যস্ততা । অহা ১১ এপ্ৰিলত নিৰ্বাচন অনুষ্ঠিত হ'বলগীয়া লখিমপুৰ লোকসভা সমষ্টিটো দেখিবলৈ পোৱা গৈছে পূৰ্ণকালীন ব্যস্ততা ।
বিজেপিৰ নেতৃত্বত সুবিশাল ৰেলী
লখিমপুৰত বাইক ৰেলীৰে বিজেপিয়ে প্ৰদৰ্শন কৰিলে দলটোৰ শক্তি । সহস্ৰাধিক বিজেপি সমৰ্থক-কৰ্মীয়ে অংশগ্ৰহণ কৰা এই ৰেলীৰ মাধ্যমেৰে অন্তিমবাৰৰ বাবে বিজেপিক ভোট দিবলৈ আহ্বান জনায় শাসনাধীষ্ঠিত দলটোৱে ।
