বিহপুৰীয়া,9 মাৰ্চ: লখিমপুৰৰ বিহপুৰীয়া সমষ্টিত নিৰ্বাচনী প্ৰচাৰ আৰম্ভ কৰিলে কংগ্ৰেছ দলৰ মনোনীত প্ৰাৰ্থী ভূপেন বৰাই ৷ সোমবাৰে মনোনয়ন পত্ৰ দাখিল কৰাৰ পাচতে মঙলবাৰে সমষ্টিটোৰ পঞ্চায়তে পঞ্চায়তে ৰাইজৰ কাষ চপাৰ চেষ্টা চলাইছে প্ৰাৰ্থীগৰাকীয়ে ৷ পদূলিয়ে পদূলিয়ে ধূপ নৈবদ্য হাতত লৈ সমৰ্থক সকলে প্ৰাৰ্থীগৰাকীক আদৰিবলৈ অপেক্ষা কৰা পৰিলক্ষিত হয় ৷
বিহপুৰীয়া সমষ্টিৰ পদূলিয়ে পদূলিয়ে নিৰ্বাচনী প্ৰচাৰ ভূপেন বৰাৰ
সমষ্টিটোৰ প্ৰতিটো নামঘৰতে সেৱা ল'বলৈ চেষ্টা কৰে প্ৰাৰ্থী গৰাকীয়ে ৷ লগতে নাৰায়ণপুৰৰ গণকদলনি পঞ্চায়তত কেইবাগৰাকীও লোকে আনুষ্ঠানিকভাৱে যোগদান কৰে কংগ্ৰেছ দলত ৷ ৰাইজৰ আদৰ সন্মান লাভ কৰি আগন্তুক নিৰ্বাচনত জয়লাভ কৰাৰ আশা প্ৰকাশ কৰি ভূপেন বৰাই কয় যে, অসমৰ ৰাজনৈতিক পটভূমিত এইবাৰ বিহপুৰীয়া সমষ্টিয়ে নেতৃত্ব বহন কৰিব ৷
লগতে পঢ়ক: আজি মনোনয়ন দাখিল কৰিব মুখ্যমন্ত্ৰী সৰ্বানন্দ সোণোৱালে
