লখিমপুৰ, ২ জানুৱাৰী: ৰাজ্যৰ বিভিন্ন স্থানত বেদখলকাৰীৰ বিৰুদ্ধে কঠোৰ হৈ পৰিছে ৰাজ্য চৰকাৰ (Eviction drive in Assam) । বেদখলকাৰীৰ বিৰুদ্ধে কঠোৰ হৈ চৰকাৰে চলাইছে উচ্ছেদ অভিযান । এনে সময়তে সোমবাৰে লখিমপুৰতো চলে বেদখলকাৰীৰ বিৰুদ্ধে উচ্ছেদ অভিযান । ভূমি সংৰক্ষণ বিভাগৰ ভূমি বেদখল কৰা ১৩ পৰিয়ালক জিলা প্ৰশাসনে উচ্ছেদ কৰে ।
ৰাজ্যৰ বিভিন্ন প্ৰান্তৰ দৰে সোমবাৰে লখিমপুৰ জিলাতো চলিল লখিমপুৰ প্ৰশাসনৰ উচ্ছেদ অভিযান (Eviction drive in Lakhimpur) । লখিমপুৰ জিলাৰ চাউলধোৱাৰ থেকেৰাগুৰিত চলে প্ৰশাসনৰ উচ্ছেদ অভিযান । বেদখলীকৃত ভূমি সংৰক্ষণ বিভাগৰ ভূমিত চলে এই অভিযান । পিছে উচ্ছেদ অভিযান দেখি পেঁপুৱা লাগি বেদখলকাৰীসকলে নিৰ্মাণ কৰি থকা গৃহ এৰি পলায়ন কৰে ।
উল্লেখযোগ্য যে, সোমবাৰে লখিমপুৰ জিলা প্ৰশাসনে থেকেৰাগুৰিৰ বালিজান বঙালী আৰু ন-আলি বঙালী মেপৰ সামাজিক বনানীকৰণৰ ১০৬ নম্বৰ ডাগৰ ৫০ বিঘা বেদখল হৈ থকা ভূমিত উচ্ছেদ অভিযান চলাই । এই বেদখলকাৰী সকলে প্ৰায় ১০৬ বিঘা ভূমিৰে আৱৰি থকা সামাজিক বনানীকৰণৰ ভূমিৰ ৫০ বিঘা ভূমি বেদখল কৰি গৃহ নিৰ্মাণ কৰিছিল(Encroachment at Lakhimpur) ।
সোমবাৰে পুৱাৰে পৰা লখিমপুৰ জিলা প্ৰশাসনে উচ্ছেদ চলাই বেদখলকৰীয়ে নিৰ্মাণ কৰা ২১ টাকৈ গৃহ ধ্বংস কৰে । আনহাতে, প্ৰশাসনে উচ্ছেদ অভিযান চলাবলৈ অহাৰ কথা জানিব পাৰি, বেদখলকাৰী সকলে পলায়ন কৰে । উল্লেখ্য ২০১৯ চনতো এই অঞ্চলত প্ৰশাসনে ভালেখিনি বেদখলকাৰী পৰিয়ালক উচ্ছেদ কৰিছিল । পিছে উচ্ছেদিত সকলে পুনৰ সেই অঞ্চলত ঘৰ সাজে ।
সোমবাৰে উচ্ছেদ অভিযান চলাবলৈ যাওতে পুৰ্বৰ উচ্ছেদিতসকলে পুনৰ বেদখল কৰাটো প্ৰত্যক্ষ কৰে বিভাগীয় বিষয়াই । সংবাদ মাধ্যমৰ আগত সদৰি কৰা মতে তেওঁলোকক ঘৰ এৰি আতৰি যাবলৈ এসপ্তাহৰ সময় দি অচিৰেই জাননী জাৰি কৰা হ'ব । এসপ্তাহৰ ভিতৰত তেওঁলোক আঁতৰি নগ’লে পুনৰ তেওঁলোকক উচ্ছেদ কৰা হ'ব বুলি বিভাগীয় বিষয়াগৰাকীয়ে জানিবলৈ দিয়ে ।
উল্লেখ্য যে যোৱাটো বৰ্ষটো চৰকাৰৰ উচ্ছেদ অভিযানেও বাতৰিৰ শিৰোনাম দখল কৰিছিল । বেদখল উচ্ছেদ এক অবিৰত প্ৰক্ৰিয়া আৰু ই বন্ধ নহয় (Eviction against encroachments) বুলি উল্লেখ কৰিছিল মুখ্যমন্ত্ৰী হিমন্ত বিশ্ব শৰ্মাই(Himanta Biswa Sarma on eviction) । বিজেপি চৰকাৰে ৰাজ্যজুৰি বনাঞ্চল আৰু চৰকাৰী ভূমি বেদখলমুক্ত কৰিব বুলিও মন্তব্য আগবঢ়াইছিল ৰাজ্যৰ মুখ্যমন্ত্ৰীগৰাকীয়ে ।
২০২২ বৰ্ষত অবিৰতভাৱে উচ্ছেদ চলাই বনাঞ্চল আৰু চৰকাৰী ভূমি বেদখলমুক্ত কৰাৰ পাছত, নতুন বৰ্ষটোৰ দ্বিতীয় দিনাই লখিমপুৰৰ চাউলধোৱাৰ থেকেৰাগুৰিত প্ৰশাসনে চলালে উচ্ছেদ অভিযান ।
লগতে পঢ়ক: Protest in Morigaon; তিৱাৰ দাবী পূৰণ নহ’লে জ্বলিব মধ্য অসম; তিৱা সংগঠনৰ হুংকাৰ
