কোকৰাঝাৰ, 19 অক্টোবৰ: কোকৰাঝাৰ জিলাৰ গোসাঁইগাঁও সংলগ্ন ৩১ নং ৰাষ্ট্ৰীয় ঘাইপথত সংঘটিত পথ দুৰ্ঘটনা ৷ দুৰ্ঘটনাত থিতাতে এগৰাকী যুৱক নিহত হোৱাৰ লগতে গুৰুতৰভাৱে আহত হয় আন এগৰাকী যুৱক ৷ সোমবাৰে পুৱা প্ৰায় ৮ বজাত গোঁসাইগাঁও অভিমুখে গৈ থকা AS-16 A-1449 নম্বৰৰ বাইক খনক এখন ট্ৰেক্টৰে খুন্দিওৱাৰ ফলত সংঘটিত দুৰ্ঘটনাটো ৷
দুৰ্ঘনাৰ ফলত নিহত হোৱা যুৱকগৰাকী 1 নং হুদুমখাটা গাঁৱৰ নিবাসী ছামিনুৰ আলী (২২) বুলি জানিব পৰা গৈছে ৷ আনহাতে আহত যুৱকগৰাকী টেংনাভিতা গাঁৱৰ মুস্তাফা আলম (১৬) বুলি জানিব পৰা গৈছে ৷ আহত যুৱকগৰাকীক ততাতৈয়াকৈ গোসাঁইগাঁও হাব্ৰুবিলস্থিত আৰ.এন.বি অসামৰিক চিকিৎসালয়লৈ প্ৰেৰণ কৰা হৈছে ৷ যুৱকগৰাকী অৱস্থা অতি সংকটজনক বুলি জানিব পৰা গৈছে ৷ আনহাতে নিহত যুৱকগৰাকীৰ মৃতদেহ গোসাঁইগাঁও আৰক্ষী থানালৈ অনাৰ পাচত পৰৱৰ্তী সময়ত কোকৰাঝাৰলৈ প্ৰেৰণ কৰা হৈছে বুলি আৰক্ষীয়ে জানিবলৈ দিছে ৷
লগতে পঢ়ক: দৰঙত ভতিজাকৰ দাৰ ঘাপত মৃত্যু হল খুড়াকৰ
