কোকৰাঝাৰ, 30মে': লক ডাউনৰ মাজতে শুকুৰবাৰে কোকৰাঝাৰত সংঘটিত হয় এক ভয়ংকৰ পথ দুৰ্ঘটনা ৷ জানিব পৰা মতে, কোকৰাঝাৰ জিলাৰ গোসাইগাঁও মহকুমাৰ অসম-বংগ সীমান্তৰ শ্ৰীৰামপুৰৰ শিমুলটাপুত 31 নম্বৰ ৰাষ্ট্ৰীয় ঘাইপথত সংঘটিত হয় পথ দুৰ্ঘটনাটো ৷ দুৰ্ঘটনাত থিতাতে নিহত হয় এজন টোটো চালক ৷ নিহত লোকজন গোসাইগাঁও মহকুমাৰ শিমুলটাপু গকুলকাটা গাঁৱৰ আজগৰ খানৰ পুত্ৰ আহমেদ হুছেইন(২৬) বুলি জানিব পৰা গৈছে ৷
গোসাইগাৱঁৰ শ্ৰীৰামপুৰত ভয়ংকৰ পথ দুৰ্ঘটনাঃথিতাতে নিহত এজন
প্ৰত্যক্ষদৰ্শীৰ মতে, নিহত হুছেইনে নিজৰ টোটো গাড়ীলৈ শ্ৰীৰামপুৰৰ পৰা শিমুলটাপু অভিমুখে গৈ থাকোঁতে বিপৰীত দিশৰ পৰা অহা RJ ১৪ GF/২৫৬৯ নম্বৰৰ এখন ট্ৰাকে খুন্দা মাৰে ৷ যাৰ ফলত ঘটনাস্থলীতে নিহত হয় লোকজন ৷ ইপিনে ঘটনাস্থলীত শিমুলটাপু আৰক্ষী উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে কোকৰাঝাৰলৈ প্ৰেৰণ কৰাৰ লগতে ট্ৰাকখনো জব্দ কৰে ৷
লগতে পঢকঃৰেন'ল্টে কৰ্তন কৰিব 15000 চাকৰি
