কোকৰাঝাৰ, 31 জুলাই : কোকৰাঝাৰ জিলাৰ কৃষি বিভাগৰ উদ্যোগত কেন্দ্ৰীয় চৰকাৰৰ আঁচনি "ৰাষ্ট্ৰীয় কৃষি বিকাশ যোজনা" অধীনত কৃষকৰ মাজত বৃহস্পতিবাৰে কঠিয়া বিতৰণ কৰা হয় ৷ এই কাৰ্যসূচীৰ শুভাৰম্ভণী কৰে জিলা কৃষি বিভাগৰ বিষয়া হৰি বড়োয়ে ৷
উল্লেখ্য যে, কোকৰাঝাৰৰ জিলাৰ তিনিটা চক্ৰ খণ্ড ক্ৰমে দোতোমা, গোসাঁইগাঁও আৰু বগৰিবাৰীত মুঠ 20 হেক্টৰ মাটিত ধানৰ কঠিয়া লগোৱা হৈছে ৷ বৃহস্পতিবাৰে ইয়াৰে দোতোমা চক্ৰ খণ্ডৰ উত্তৰ ডাঙৰখুটি অঞ্চলৰ কৃষক মাজত বিতৰণ কৰা হয় ৷
কোকৰাঝাৰত ৰাষ্ট্ৰীয় কৃষি বিকাশ যোজনা আঁচনিৰ শুভাৰম্ভণী
জিলা কৃষি বিভাগৰ বিষয়া হৰি বড়োয়ে সাংবাদিকক জানিবলৈ দিয়ে যে, বান পীড়িত কৃষকক সহায় কৰিবৰ বাবেই চৰকাৰ ফালৰ পৰা এই আঁচনি গ্ৰহণ কৰা হৈছে ৷ লগতে ৰাষ্ট্ৰীয় কৃষি বিকাশ যোজনা আঁচনিৰ অধীনত কোকৰাঝাৰ কৃষি বিভাগে তিনিটা চক্ৰ খণ্ডত বীজ ফাৰ্ম বনোৱা হৈছিল যাৰ জড়িতে বানপীড়িত বহু কৃষকে লাভৱান হ’ব বুলি আশা প্ৰকাশ কৰা হৈছে ৷
