কোকৰাঝাৰ, ১০জুলাই: বিশিষ্ট সমাজকৰ্মী মাতলা হেমব্ৰম, বালাজান তিনিআলি অঞ্চলৰ প্ৰায়ভাগ অনুষ্ঠান-প্ৰতিষ্ঠানৰ লগত জড়িত এগৰাকী ব্যক্তি আছিল । জীৱিত কালতে নিজেই এক অনুষ্ঠানত পৰিণত হোৱা এইগৰাকী ব্যক্তিয়ে ঐক্য-সম্প্ৰতি-ভাতৃত্ববোধেৰে অঞ্চলটোৰ পৰিৱেশ শান্তিপূৰ্ণ কৰি ৰখাত এক অগ্ৰণী ভূমিকা গ্ৰহণ কৰি আহিছিল ।
মাতলা হেমব্ৰমৰ মৃত্যুয়ে বালাজান তিনিআলি অঞ্চলৰ বাবে এক অপূৰণীয় ক্ষতি বুলি মন্তব্য কৰে তেওঁৰ গুণমুগ্ধই । ১১ জুলাইৰ পুৱা ১১ বজাত খ্ৰীষ্টীয়ান নীতি নিয়মেৰে মাতলা হেমব্ৰমৰ শেষকৃত্য সম্পন্ন কৰা হ'ব । এই গৰাকী আগৰণুৱা ব্যক্তিৰ মৃত্যুৰ বাবে বালাজান বজাৰ সমিতিৰ আহ্বানত ১১ জুলাইত বালাজান তিনিআলিত ১২ ঘণ্টীয়া বন্ধ পালন কৰা হ'ব বুলি জানিবলৈ দিয়ে ।
লগতে পঢ়কঃ মৰিগাঁৱৰ বজাৰত চোৰৰ তাণ্ডৱ
