কোকৰাঝাৰ, 27 নৱেম্বৰঃ কচুগাঁও বন সংমণ্ডলৰ অধীনস্থ ৰামফলবিল গাঁৱত বন কৰ্মীৰ ওপৰত চোৰাং কাঠ বেপাৰীয়ে সংঘটিত কৰে আক্ৰমণ ৷ এই আক্ৰমণত সঞ্জীৱ দৈমাৰী নামৰ এজন বন কর্মী গুৰুতৰভাৱে আহত হয় ৷
কোকৰাঝাৰত বন কৰ্মীৰ ওপৰত চোৰাং কাঠ সৰবৰাহকাৰীৰ আক্ৰমণ, গুৰুতৰভাৱে আহত এজন
ঘটনাৰ ফলত আঠিয়াবাড়ি ৰেঞ্জৰ AS 26 - 0016 নম্বৰৰ বলেৰো গাড়ীখন ব্যাপক ক্ষতি সাধন হয় ৷ বিয়লি কচুগাঁও বন সংমণ্ডলৰ আঠিয়াবাড়ি ৰেঞ্জৰ বন কৰ্মীৰ দলে ৰামফলবিল গাঁৱত চোৰাং কাঠ মাফিয়াৰ বিৰুদ্ধে অভিযান চলোৱাৰ সময়ত এই ঘটনাটো সংঘটিত হয় ৷ বন বিভাগৰ লোকে অভিযান চলাই উভতি আহি থকা অৱস্থাতে চোৰাং কাঠ সৰবৰাহকাৰীয়ে বন কৰ্মীৰ গাড়ী ৰখাই আক্ৰমণ কৰে ৷ ঘটনা সন্দৰ্ভত ইতিমধ্যে ছেৰফাংগুৰীত আৰক্ষী চকীত বন কর্মীয়ে ঘটনা সন্দৰ্ভত এজাহাৰ দাখিল কৰে ৷
