গোসাইগাঁৱত বিপিএফৰ নিৰ্বাচনী সভাৰ আয়োজন

বিটিচিত বিপিএফ দলেও নিজৰ সমৰ্থিত প্ৰাৰ্থীক বিজয়ী কৰিবলৈ প্ৰচেষ্টা অব্যাহত ৰাখিছে ৷ প্ৰায় দুই শতাধিক লোক উপস্থিত হয় এই সভাত ৷

গোসাইগাঁও, 1 নৱেম্বৰ : সমাগত বিটিচি নিৰ্বাচনৰ বাবে মাজত মাত্ৰ কেইটামান দিন বাকী থকাৰ বাবে সকলো দলৰ নিৰ্বাচনী কুজকাৱাজ এতিয়া তুংগত উঠিছে । বিটিচিত বিপিএফ দলেও নিজৰ সমৰ্থিত প্ৰাৰ্থীক বিজয়ী কৰিবলৈ প্ৰচেষ্টা অব্যাহত ৰাখিছে ৷

দেওবাৰে গোসাইগাঁও তেলিপাৰা ব্লক বিপিএফৰ কাৰ্যালয়ত 3 নম্বৰ শ্ৰীৰামপুৰ সমষ্টিৰ বিপিএফৰ প্ৰাৰ্থী আব্দুল খালেক মণ্ডলৰ সমৰ্থনত এখন বিশাল নিৰ্বাচনী প্ৰচাৰ সভা অনুষ্ঠিত হয় । প্ৰায় দুই শতাধিক লোক উপস্থিত থকা এই বিশাল নিৰ্বাচনী সভাত বিপিএফ মহিলাৰ সাধাৰণ সম্পাদিকা তথা 20 নম্বৰ মুথামগুৰি সমষ্টিৰ প্ৰাৰ্থী আখতাৰা বেগম লগতে বহু কেইজন নেতা উপস্থিত থাকে ।

লগতে পঢ়ক : আৱৰ্ত ভৱনত থাকিবলৈ দিয়া নহ’ল ৰিপুন বৰাক