কোকৰাঝাৰ,6 নৱেম্বৰ : কোকৰাঝাৰ জিলাৰ চালাকাটিত শুকুৰবাৰে বিধায়ক শ্বেৰমান আলীৰ বিৰুদ্ধে হিন্দু জাগৰণ মঞ্চৰ প্ৰতিবাদ ৷ চালাকাটিৰ ৰাজপথত শতাধিক হিন্দু জাগৰণ মঞ্চৰ কৰ্মীয়ে শ্বেৰমান আলীৰ পুত্তলিকা দাহ কৰি প্ৰতিবাদ সাব্যস্ত কৰে ৷
শেহতীয়াকৈ কলাক্ষেত্ৰত মিয়া মিউজিয়াম স্থাপনৰ দাবী তোলা বিধায়ক শ্বেৰমান আলীৰ বিৰুদ্ধে সৰৱ হৈ পৰে হিন্দু জাগৰণ মঞ্চ ৷ মঞ্চৰ নেতা যোগেশ শাস্ত্ৰীয়ে প্ৰতিবাদযোগে ভাৰতবৰ্ষত পাকিস্তান জিন্দাবাদ ধ্বনি কেতিয়াও সহ্য কৰা নহ’ব আৰু এনে বিভ্ৰান্তিমূলক মন্তব্য কৰা দেশদ্ৰোহীক আইনৰ দ্বাৰা শাস্তি প্ৰদান কৰিব লাগে বুলি চৰকাৰক দাবী উত্থাপন কৰে ৷
আনহাতে কলাক্ষেত্ৰত মিয়া মিউজিয়াম নহ’ব, শ্বেৰমান আলী মূৰ্দাবাদ, জয় শ্ৰীৰাম ধ্বনিৰে ৰাজপথ উত্তাল কৰি তোলে প্ৰতিবাদকাৰীসকলে ৷
লগতে পঢ়ক : কংগ্ৰেছ আৰু এআইইউডিএফ পাকিস্তানী পন্থী : বিধায়ক মৃণাল শইকীয়া
