কোৱাৰেণ্টাইন কেন্দ্ৰৰ আৱৰ্জনাই ভাবুকি কঢ়িয়াইছে জনজীৱনলৈ

কোকৰাঝাৰত স্থানীয় ৰাইজৰ হাহাকাৰ পৰিস্থিতি সৃষ্টি হৈছে ৷ কাৰণ কোৱাৰেন্টাইন কেন্দ্ৰৰ পৰা সৃষ্টি হোৱা আৱৰ্জনাসমূহ য'তে-ত'তে পেলাই দিয়াত এতিয়া দুৰ্গন্ধময় পৰিস্থিতিৰ সৃষ্টি হৈছে অঞ্চলটোত ৷ জাৱৰৰ দুৰ্গন্ধত এতিয়া সেই ঠাইৰে যাব নোৱাৰা পৰিস্থিতি স্থানীয় ৰাইজৰ ৷

কোকৰাঝাৰ, 31 মে' : কোকৰাঝাৰ আইন মহাবিদ্যালয়ৰ কোৱাৰেণ্টাইন চেণ্টাৰকলৈ এতিয়া হাহাকাৰ পৰিস্থিতি সৃষ্টি হৈছে স্থানীয় লোকসকলৰ ৷ কোৱাৰেন্টাইনৰ কেন্দ্ৰৰ পৰা পেলাই দিয়া আৱৰ্জনাৰ ফলত এতিয়া দুৰ্গন্ধময় পৰিৱেশৰ সৃষ্টি হোৱা বুলি গুৰুতৰ অভিযোগ স্থানীয় ৰাইজৰ ৷

সমগ্ৰ ৰাজ্যৰ লগতে কোকৰাঝাৰতো বহু লোক কৰ'ণা ভাইৰাছত আক্ৰান্ত হৈছে ৷ কোকৰাঝাৰ আইন মহাবিদ্যালয়খনো কোৱাৰেন্টাইন কেন্দ্ৰ হিচাপে প্ৰশাসনে ব্যৱহাৰ কৰিছে ৷ কিন্তু হিতৰ বিপৰীতে কালৰহে সৃষ্টি হৈছে উক্ত অঞ্চলটো ৷ কাৰণ কোৱাৰেণ্টাইন চেণ্টাৰৰ আৱজৰ্নাসমূহ আইন মহাবিদ্যালয়ৰ চৌহদতে য'তে ত'তে পেলাই দিয়াৰ ফলত দুৰ্গন্ধময় পৰিস্থিতি সৃষ্টি হৈছে ৷ তাৰোপৰি, কোৱাৰেণ্টাইন চেণ্টাৰৰ পেলনীয়া সামগ্ৰীসমূহ কুকুৰ, গৰু ইত্যাদিয়ে খোৱাত সেইবোৰৰ পৰা জীৱকুললৈও ভাবুকিৰ সৃষ্টি হৈছে ৷

স্থানীয় লোকসকলে চাফাই কৰ্মীক কোৱাৰেন্টাইনৰ জাৱৰসমূহ নিৰ্দিষ্ট ঠাইত পেলাবলৈ বহু আহ্বান জনাইছিল যদিও ৰাইজৰ কথাৰ প্ৰতি কোনো গুৰুত্ব নিদিয়া বুলি সাংবাদিকৰ আগত সদৰি কৰে ৷ আনহাতে আৰক্ষীৰ লোকেও কোৱাৰেন্টাইনৰ চাফাই কৰ্মীসকলক জাৱৰসমূহ সেই ঠাইত পেলাবলৈ মানা কৰিছিল যদিও চাফাই কৰ্মী সকলে তেঁওলোকৰ কথাৰ প্ৰতি কোনো সহাৰি নিদিয়া বুলি চাফাই কৰ্মীৰ বিৰুদ্ধে অভিযোগ কৰে ৷ অতি শীঘ্ৰে উক্ত ঠাইত কোৱাৰেন্টাইনৰ জাৱৰ আৰ্বজনাবোৰ সেই ঠাইত নেপেলাবলৈ আহ্বান জনাইছে স্থানীয় লোক ৰাইজে ৷ লগতে আৱৰ্জনা পেলোৱা ঠাইখিনি নিৰ্দিষ্ট কৰি হেঙাৰৰ ব্যৱস্থা কৰিবলৈ প্ৰশাসনৰ লোকক আহ্বান জনাইছে স্থানীয় ৰাইজে ৷

লগতে পঢ়ক- নামনি সোৱণশিৰি জলবিদ্যুৎ প্ৰকল্পৰ কাম বন্ধৰ দাবীৰে ছাত্ৰ সংগঠনৰ প্ৰতিবাদ