কোকৰাঝাৰ, 4 জুলাইঃ লাফিকুল ইছলামৰ হত্যাকাৰীক বিচাৰি উলিওৱাত চিবি আই ব্যৰ্থ হোৱাৰ অভিযোগ উত্থাপন কৰি কোকৰাঝাৰত বৃহস্পতিবাৰে এবিএমছুৱে পালন কৰে ধৰ্ণা কাৰ্যসূচী ৷ উল্লেখ্য যে 2017 চনৰ এক আগষ্টত কোকৰাঝাৰৰ টিতাগুৰিত দুৰ্বৃত্তই দিন দুপৰতে গুলীয়াই হত্যা কৰিছিল এবিএমছুৰ সভাপতি লাফিকুল ইছলামক ৷ এবিএমছুৰ সভাপতি গৰাকীৰ হত্যা কাণ্ডৰ অহা ১ আগষ্টত দুবছৰ পূৰ্ণ হ'ব যদিও আজিলৈকে হত্যাকাৰীৰ সন্ধান নোলোৱাত ক্ষোভ প্ৰকাশ কৰিছে এবিএমছুৱে ।
কোকৰাঝাৰত এবিএমছুৰ ধৰ্ণা
আনহাতে লাফিকুল ইছলামৰ হত্যাকাৰীক চিনাক্ত কৰি শাস্তি দিয়া,ডি ভোটাৰৰ সমস্যা সমাধান কৰা আদিকে ধৰি কেবাটাও দাবীৰ সমৰ্থনত বৃহস্পতিবাৰে এবিএমছুৱে কোকৰাঝাৰ শিশু উদ্যানত ৰাতিপুৱা ১১বজাৰ পৰা দিনৰ ১ বজালৈ ২ঘন্টা ধৰ্ণা দিয়ে। শতাধিক এবিএমছু কৰ্মীয়ে হাতে হাতে বেনাৰ,ফেষ্টুন লৈ অসম চৰকাৰ হায় হায় আদি শ্লোগান দিয়ে
