ইণ্ডিয়ান প্ৰিমিয়াৰ লীগৰ সময়সূচী ঘোষণা

২২ মাৰ্চৰ পৰা আৰম্ভ হ'ব আই পি এলৰ নতুন ছিজন । প্ৰথমখন খেলত কোন কোন মুখামুখি হ'ব ?

হায়দৰাবাদ : ভাৰতীয় ক্ৰিকেট নিয়ন্ত্ৰণ ব'ৰ্ডে (বি চি চি আই) ইণ্ডিয়ান প্ৰিমিয়াৰ লীগৰ ১৮ সংখ্যক ছিজনৰ সময়সূচী ঘোষণা কৰিছে । অহা ২২ মাৰ্চত আই পি এলৰ ছিজন আৰম্ভ হ'ব । কলকাতা নাইট ৰাইডাৰ্ছ (কে কে আৰ) আৰু ৰয়েল চেলেঞ্জাৰ্ছ বেংগালুৰু (আৰ চি বি) দলে ইডেন গাৰ্ডেনত প্ৰতিযোগিতাৰ আৰম্ভণি মেচ খেলিব । ইফালে আই পি এলৰ ফাইনেলখনো ইডেন গাৰ্ডেনতে ২৫ মে'ত অনুষ্ঠিত হ'ব । প্ৰতিযোগিতাখনত মুঠ ৭৪ খন খেল খেলা হ'ব । ২০ মে'ত কোৱালিফায়াৰ-১ আৰু ২১ মে'ত এলিমিনেটৰ খেল ৰাজীৱ গান্ধী আন্তঃৰাষ্ট্ৰীয় ক্ৰিকেট ষ্টেডিয়ামত আয়োজন কৰা হ'ব । আনহাতে কোৱালিফায়াৰ-২ খেলখন ২৩ মে'ত ইডেন গাৰ্ডেনত খেলা হ'ব ।

এই ছিজনত হ'ব ১২ খন ডাবল হেডাৰ

Mark your calendars, folks! 🥳🗓#TATAIPL 2025 kicks off on March 2️⃣2️⃣ with a clash between @KKRiders and @RCBTweets 🤜🤛

When is your favourite team's first match? 🤔 pic.twitter.com/f2tf3YcSyY

— IndianPremierLeague (@IPL) February 16, 2025

ছিজনৰ দ্বিতীয়খন খেল ২৩ মাৰ্চত ছানৰাইজাৰ্ছ হায়দৰাবাদ (এছ আৰ এইচ) আৰু ৰাজস্থান ৰয়েলছ (আৰ আৰ)ৰ মাজত অনুষ্ঠিত হ'ব । প্ৰতিযোগিতাখনৰ তৃতীয়খন খেলত চেন্নাই চুপাৰ কিংছে (চি এছ কে) এম এ চিদাম্বৰম ষ্টেডিয়ামত মুম্বাই ইণ্ডিয়ানছৰ (এমআই) বিৰুদ্ধে খেলিব । দুয়োখন খেল ২৩ মাৰ্চতে খেলা হ'ব কিয়নো দেওবাৰে ডাবল হেডাৰ হ'ব । প্ৰতিযোগিতাখনত ৭৪ খন খেলৰ সময়ছোৱাত ১২ খন ডাবল হেডাৰ দেখা যাব । কলকাতা নাইট ৰাইডাৰ্ছ, ৰয়েল চেলেঞ্জাৰ্ছ বেংগালুৰু, ৰাজস্থান ৰয়েলছ, চেন্নাই চুপাৰ কিংছ আৰু পাঞ্জাৱ কিংছ গ্ৰুপ 'A'ত আছে আনহাতে গুজৰাট টাইটানছ, চানৰাইজাৰ্ছ হায়দৰাবাদ, মুম্বাই ইণ্ডিয়ানছ, দিল্লী কেপিটেলছ আৰু লক্ষ্ণৌ চুপাৰ জায়েণ্টছ গ্ৰুপ 'B'ত আছে ।

১৩ টা স্থানত হ'ব আই পি এলৰ মেচ

৯ মাৰ্চত চেম্পিয়নছ ট্ৰফীৰ ফাইনেল সমাপ্ত হোৱাৰ ১২ দিন পিছতে আইপিএল অনুষ্ঠিত হ'ব । প্ৰতিযোগিতাখন ১৩ টা স্থানত অনুষ্ঠিত হ'ব য'ত ফ্ৰেঞ্চাইজিৰ ১০ খন হোম গ্ৰাউণ্ডৰ লগতে গুৱাহাটী (আৰ আৰৰ বাবে দ্বিতীয় স্থান), ধৰ্মশালা (পাঞ্জাৱ কিংছৰ বাবে দ্বিতীয় স্থান) আৰু বিশাখাপত্তনম (দিল্লী কেপিটেলছৰ বাবে দ্বিতীয় স্থান) অন্তৰ্ভুক্ত থাকিব । ৮ টা দলক দুটা গ্ৰুপত বিভক্ত কৰা হৈছে । চেন্নাই চুপাৰ কিংছ আৰু মুম্বাই ইণ্ডিয়ানছ দুয়োটা দলেই ৫ বাৰকৈ খিতাপ জয় কৰিছে আনহাতে ডিফেণ্ডিং চেম্পিয়ন কলকাতা নাইট ৰাইডাৰ্ছে ৩ টা সংস্কৰণত খিতাপ জয় কৰিছে ।

লগতে পঢ়ক :১৯৯৮-২০২৪ চনলৈ কোন কোন দলৰ শিৰত জিলিকিছিল চেম্পিয়নছ ট্ৰফীৰ খিতাপ - ICC CHAMPIONS TROPHY 2025