কোকৰাঝাৰ, 1 এপ্ৰিলঃ দিল্লীৰ নিজামুদ্দিন জামাতত মাৰাত্মক কৰ'ণা ভাইৰাছ সংক্ৰমণৰ ভয়াৱহ তথ্যই দেশজুৰি আতংকৰ সৃষ্টি কৰাৰ সময়তে, বিটিএডিৰ সদৰ কোকৰাঝাৰ জিলাত জামাতত অংশ্ৰহণ কৰি ওভতা 9 গৰাকীকৈ আত্মগোপন কৰি থকা লোকক লৈ শংকিত হৈ পৰিছে কোকৰাঝাবাসী ৷ প্ৰাপ্ত তথ্য অনুসৰি আত্মগোপন কৰি থকা লোককেইজন হ'ল, উমৰ আলি শ্বেখ, বুদ্ধৱ আলি, আহৱ আলি সোনাৰু, শ্বাহ আলম, মোজাম্লিল মিঞা, জাহানুনৱদিন, উমৰ আলি আৰু চানী পাল ৷ এইসকল লোক ঘৰলৈ ওভতাৰ পিচতো চৈধ্য দিনৰ বাৱে ক্যুৱাৰান্টাইনত থকাৰ কোনো তথ্য নোপোৱাত এতিয়া বিপাঙত পৰিছে কোকৰাঝাৰ জিলা প্ৰশাসন ৷ ইতিমধ্যে সেইসকল লোকক বিচাৰি আৰক্ষীয়ে তদন্ত অব্যাহত ৰাখিছে ৷
আনহাতে ৰাজ্যৰ সমাজ কল্যান বিভাগৰ মন্ত্ৰী প্ৰমিলা ৰাণী ব্ৰহ্মই সাংবাদিকৰ আগত সদৰী কৰা অনুসৰি, পশ্চিম অসমৰ দুৱাৰমুখ কোকৰাঝাৰ জিলাত বৰ্তমানেও কৰ'ণা ভাইৰাছৰ লগত যুঁজ দিব পৰাকৈ পৰ্যাপ্ত ব্যৱস্থা নাই ৷ ইয়াৰোপৰি সম্প্ৰতি হেণ্ড চেনিটাইজাৰ, মাস্ক আদিৰ অভাৱেও দেখা দিছে জিলাখনত ৷
লগতে পঢ়কঃ নিজামুদ্দিন দৰগাহৰ তবলীগ জামাতত ভাগ লোৱা বৰপেটাৰ ৮ জনক ক্যুৱাৰান্টাইন
