বিশ্ববিদ্যালয় অনুদান আয়োগৰ 12B status বড়োলেণ্ড বিশ্ববিদ্যালয়লৈ

বিটিচিৰ অন্যতম উচ্চ শিক্ষাৰ প্ৰতিষ্ঠান বড়োলেণ্ড বিশ্ববিদ্যালয়লৈ বিশ্ববিদ্যালয় অনুদান আয়োগৰ বিশেষ স্বীকৃতি ৷ নামনি অসম তথা বড়োলেণ্ডৰ শিক্ষাৰ্থীসকলৰ প্ৰতি লক্ষ্য ৰাখি বিশ্ববিদ্যালয়খনক প্ৰদান কৰা হয় বিশ্ববিদ্যালয় অনুদান আয়োগৰ বিশেষ স্বীকৃতি যাক কোৱা হয় 12B Status ৷

কোকৰাঝাৰ,6 নৱেম্বৰঃ কোকৰাঝাৰস্থিত বিটিচিৰ উচ্চ শিক্ষা প্ৰতিষ্ঠান বড়োলেণ্ড বিশ্ববিদ্যালয়ক বিশ্ববিদ্যালয় অনুদান আয়োগৰ প্ৰদান কৰে 12B Status ৷ বৃহত্তৰ বিটিচি অঞ্চলৰ শিক্ষাৰ্থীসকলৰ লগতে শৈক্ষিক আৰু সামাজিক সংস্কাৰ সাধনৰ বাবে বিশ্ববিদ্যালয় অনুদান আয়োগে বিশ্ববিদ্যালয়খনক প্ৰদান কৰে এই বিশেষ স্বীকৃতি ৷

লগতে পঢ়কঃ বালিচাঙৰ বাকৰিত ১২টা ভাষাত,১০ হাজাৰ লোকৰ কণ্ঠৰে নিগৰিত "মানুহে মানুহৰ বাবে"

2008 চনত কোকৰাঝাৰ চহৰৰ নাতি দূৰৈৰ দেৱৰগাঁওত স্থাপন কৰা হৈছিল বড়োলেণ্ড বিশ্ববিদ্যালয় ৷ বৰ্তমান সময়লৈকে বিশ্ববিদ্যালয়খন সম্পূৰ্ণৰূপে কাৰ্যক্ষম হৈ উঠা নাই যদিও বিগত সময়ছোৱাত বহুটো গুণগত মানৱ সম্পদ সৃষ্টি কৰিবলৈ সক্ষম হৈছে বিশ্ববিদ্যালয়খনে ৷ যাৰ বাবেই বিশ্ববিদ্যালয়খনত গৱেষণাকে ধৰি অন্যান্য বিষয়সমূহৰ প্ৰতি লক্ষ্য ৰাখি প্ৰয়োজনীয় পূঁজি প্ৰদান কৰিবলৈ বিশ্ববিদ্যালয় অনুদান আয়োগে প্ৰদান কৰে এই বিশেষ স্বীকৃতি ৷

বিশ্ববিদ্যালয়খনে লাভ কৰা বিশেষ স্বীকৃতিৰ ফলস্বৰূপে বুধবাৰে অনুষ্ঠিত হৈ যায় এক বিশেষ কাৰ্যসূচী ৷ কাৰ্যসূচীত বিশ্ববিদ্যালয়ৰ প্ৰতিনিধি সমাজৰ লগতে বিটিচি প্ৰধান হাগ্ৰামা মহিলাৰী,উপ-প্ৰধান খাম্ফা বৰগয়াৰী,বিশ্ববিদ্যালয় অনুদান আয়োগৰ সদস্য কিৰণ হাজৰিকা, উপাচাৰ্য ডঃ লাইশ্ৰম লাড়ু সিং,পঞ্জীয়ক ৰাজেশ বৰ্মণৰ লগতে তামুলপুৰ সমষ্টিৰ বিধায়ক ইমানুৱেল মুছাহাৰী উপস্থিত থাকে ৷