কৰিমগঞ্জ, 11 অক্টোবৰ: ৰাজ্যজুৰি নিচাজাতীয় সামগ্ৰীৰ বিৰুদ্ধে আৰক্ষীয়ে কঠোৰ পদক্ষেপ লোৱাৰ পিঠতো গা লৰা নাই একাংশ অপৰাধীৰ (Anti Drugs operation in Assam) ৷ অপৰাধীয়ে অপৰাধ সংঘটিত কৰিবলৈ নতুন কূট কৌশলৰে প্ৰতিদিনেই ৰাজ্যৰ ভিন্ন প্ৰান্তত নিচাজাতীয় সামগ্ৰীৰ সৰবৰাহ অব্যাহত ৰাখিছে (Drugs case in Assam) ৷
ইয়াৰ মাজতে কৰিমগঞ্জ আৰক্ষীৰ বৃহৎ সফলতা (Karimganj police seized heroine) ৷ ৰাজ্যৰ ভিতৰতে সৰ্বৃবৃহৎ নিচাজাতীয় সামগ্ৰী জব্দ কৰিলে কৰিমগঞ্জ আৰক্ষী আৰু বিএছএফৰ এটা যুটীয়া দলে (Karimganj police and BSF anti drugs mission) ৷
ঘটনাৰ বিৱৰণী অনুসৰি কেইদিনৰ মানৰ পৰা বিএছএফৰ চোৰাংচোৱাৰ এটা দলে এখন সন্দেহযুক্ত ট্ৰাকক ট্ৰেক কৰি আছিল ৷ অৱশেষত সোমবাৰে নিশা প্ৰায় 11.30 বজাত কৰিমগঞ্জ আৰক্ষী আৰু বিএছএফৰ এটা দলে যুটীয়াভাৱে অভিযান চলাই সন্দেহযুক্ত ট্ৰাকখনত তালাচী অভিযান চলায় ৷ জব্দকৃত ট্ৰাকখনৰ নম্বৰ AS 11 BC 7975 ৷ লগতে আৰক্ষীয়ে ট্ৰাকখনৰ চালক মহিব উদ্দিনক আটক কৰি সোধপোছ কৰে (Truck driver detained by Karimganj police) ৷
আৰক্ষীৰ জেৰাত মহিবে ট্ৰাকখনৰ ভিতৰত এটা গোপন চেম্বাৰ থকাৰ কথা উল্লেখ কৰে ৷ আৰক্ষীয়ে জানিবলৈ দিয়া অনুসৰি ট্ৰাকখনৰ চালক বহা আসনৰ ওপৰতে থকা এটা গোপন চেম্বাৰৰ পৰা হেৰ’ইন ভৰ্তি 746 টা চাবোনৰ বাকচ উদ্ধাৰ কৰিবলৈ সক্ষম হয় (Heroine box seized in Karimganj)৷ জব্দকৃত হেৰ’ইনখিনিৰ আন্তঃৰাষ্ট্ৰীয় বজাৰ মূল্য প্ৰায় 76 কোটি টকা বুলি জানিব পৰা গৈছে (76 crore worth heroine seized by Karimganj police) ৷
ইফালে ট্ৰাক চালকটোৱে কোৱা অনুসৰি মিজোৰামৰ পৰা ত্ৰিপুৰা অভিমুখে নি থকা হৈছিল এই হেৰ’ইনখিনি ৷ কেৱল এইবাৰেই নহয়, মাহটোত কেইবাবাৰো এনেদৰে ট্ৰাকেৰে নিচাযুক্ত সামগ্ৰী সৰবৰাহ কৰা হয় বুলি ট্ৰাক চালকটোৱে আৰক্ষীৰ সন্মুখত স্বীকাৰ কৰে ৷
আনহাতে বিএছএফৰ এই পদক্ষেপক সলাগ লয় কৰিমগঞ্জ আৰক্ষীয়ে ৷ সীমান্ত অঞ্চলেৰে একাংশ সৰবৰাহকাৰীয়ে আৰক্ষীৰ চকুত ধূলি ছটিয়াই নিচাজাতীয় সামগ্ৰীৰ চোৰাং সৰবৰাহ অব্যাহত ৰাখিছে ৷ তেনেস্থলত বিএছএফৰ এই ট্ৰেকিঙৰ পদক্ষেপে ভৱিষ্যতে আৰক্ষীক সহায় কৰাৰ লগতে অপৰাধ নিয়ন্ত্ৰণতো সহায় কৰিব বুলি আশা প্ৰকাশ কৰিছে ৷
লগতে পঢ়ক: বন্ধ কোঠাৰ ভিতৰত মোনাত উদ্ধাৰ নৱজাতকৰ অৰ্ধগলিত মৃতদেহ
