গেৰুৱাৰ পৰিৱৰ্তে হালধীয়া ৰঙেৰে উৰিল ত্ৰিৰংগা

দক্ষিণ কৰিমগঞ্জৰ কায়স্থগ্রামৰ এখন বিদ্যালয়ত বিকৃত কৰি পতাকা উত্তোলনলৈ তীব্র প্রতিক্রিয়াৰ সৃষ্টি । গেৰুৱাৰ পৰিৱৰ্তে হালধীয়া ৰঙ ব্যৱহাৰ জাতীয় পতাকাত ৷

কৰিমগঞ্জ 15 আগষ্ট : সমগ্ৰ দেশজুৰি উদযাপন কৰা হয় 74 তম্ স্বাধীনতা দিৱস ৷ কিন্তু ইয়াৰ মাজতে দক্ষিণ কৰিমগঞ্জ সমষ্টিৰ নিলামবাজাৰ আৰক্ষী থানাৰ অধীনত থাকা কায়স্থগ্রাম বালিকা বিদ্যালয়ত সংঘটিত হৈছে লজ্জাজনক ঘটনা ৷ জাতীয় পতাকাৰ ওপৰত গেৰুৱা ৰঙৰ বিপৰীতে ব্যাৱহাৰ কৰা হ’ল হালধীয়া ৰং। বিদ্যালয়খনৰ প্রধান শিক্ষকৰ এইধৰণৰ কাণ্ডই সম্প্ৰতি চিন্তিত কৰি তুলিছে সচেতন মহলক । জিলা প্রশাসনক ঘটনা সন্দৰ্ভত অৱগত কৰাৰ পাচতো কোন ব্যাৱস্থা নোলোৱাৰ অভিযোগ তুলিছে স্থানীয় লোকে । অবিলম্বে জাতীয় অবমাননা কৰাৰ বাবে প্রধান শিক্ষক বিৰুদ্ধে ব্যৱস্থা গ্রহণৰ দাবি উত্থাপন কৰিছে স্থানীয় ৰাইজে।

গেৰুৱাৰ পৰিৱৰ্তে হালধীয়া ৰঙেৰে উৰিল ত্ৰিৰংগা

উল্লেখ্য যে, ৰাজ্যৰ বহুকেইটা স্থানত স্বাধীনতা দিৱসৰ দিনটোত জাতীয় পতাকা উত্তোলনত বিসংগতি পৰিলক্ষিত হৈছে ৷ নগাঁৱৰ জুৰীয়া আৰু বিলাসীপাৰাৰ দুখন বিদ্যালয়ত নিশালৈকে জাতীয় পতাকা উৰি থকাৰ পৰিৱৰ্তে বিলাসীপাৰাৰ ৰাণীগঞ্জৰ বিজেপি কাৰ্যালয়ত একেটা ভেটিতে উত্তোলন কৰা হৈছে জাতীয় পতাকাৰ সমান্তৰালকৈ বিজেপিৰ পতাকা ৷

লগতে পঢ়ক : ৭৪সংখ্যক স্বাধীনতা দিৱসঃ ৰাজ্যবাসীলৈ অভিলাষী আঁচনি আগবঢ়ালে মুখ্যমন্ত্ৰীয়ে