কৰিমগঞ্জ,21 অক্টোবৰ: বিগত 16 অক্টোবৰত কৰিমগঞ্জত সংঘটিত হৈছিল এক নৃশংস হত্যাকাণ্ড ৷ জিলাখনৰ শিৱবাড়ী পথত সংঘটিত হত্যাকাণ্ডটোৰ মূল অভিযুক্তক আটক কৰে আৰক্ষীয়ে ৷ উত্থাপিত অভিযোগ অনুসৰি, এগৰাকী মহিলাক অনুপম ৰয় নামৰ ব্যক্তিজনে ভাতৃৰ সৈতে মিলিত হৈ হত্যা কৰে ৷ উক্ত ঘটনাত জড়িত ব্যক্তি দুগৰাকীক শাস্তি প্ৰদানৰ দাবীত বুধবাৰে অঞ্চলটোৰ স্থানীয় মহিলাসকলৰ লগতে দুৰ্গাবাহিনীয়ে জিলা আৰক্ষী অধীক্ষকৰ কাৰ্যালয় ঘেৰাও কৰি উত্তাল কৰি তোলে পৰিৱেশ ৷ দোষীৰ ফাঁচীৰ দাবী তুলি দলটোৱে উপ-আৰক্ষী অধীক্ষকৰ হাতত প্ৰদান কৰে স্মাৰকপত্ৰ ৷
উল্লেখ্য যে, বিগত কিছুদিনৰ পৰা জিলাখনত বহু অপৰাধমূলক ঘটনা সংঘটিত হৈ আহিছে ৷ কিন্তু আৰক্ষীয়ে এইক্ষেত্ৰত অভিযান চলাই লাভ কৰা নাই কোনো সফলতা ৷
লগতে চাওকঃ গো-মাংসক কেন্দ্ৰ কৰি উত্তপ্ত কলংপাৰ বজাৰ
