কৰিমগঞ্জ , 6 জুন : গেছৰ চিলিণ্ডাৰত গেছৰ সলনি পানী ! কিছুদিনৰ ব্যৱহাৰৰ পাচতে শেষ হয় ৰন্ধন গেছ ৷অসমৰ পৰা ত্ৰিপুৰালৈ সক্ৰিয় এই চোৰাং ব্যৱসায় ৷ একাংশ অসাধু ব্যবসায়ীয়ে ভৰ্তি চিলিণ্ডাৰৰ পৰা খালি চিলিণ্ডাৰত গেছ ভৰাই অধিক দামত বিক্ৰী কৰি আহিছিল চিলিণ্ডাৰ ৷ আধা ভৰ্তি চিলিণ্ডাৰত ভৰাই দিয়ে পানী ৷
গোপন সূত্ৰৰ পম খেদি ত্ৰিপুৰা আৰক্ষীয়ে উত্তৰ ত্ৰিপুৰা জিলাৰ অসম ত্ৰিপুৰা সীমান্তবৰ্তী আন্তঃৰাষ্ট্ৰীয় ঘাইপথৰ পৰা আটক কৰে চক্ৰটোৰ সদস্য কেইজনক । আটক হৈছে শিলচৰৰ নয়ন দাস , ত্ৰিপুৰাৰ দেবেশ দাস, দিপু দাস, পৰিতোষ দাস, ভবতোষ দাস আৰু প্ৰসেনজিৎ দাস নামৰ আন পাঁচ গৰাকী যুৱক । চক্ৰটোৰ পৰা উদ্ধাৰ হৈছে বিভিন্ন সামগ্ৰীৰ লগতে চিলিণ্ডাৰ ছিল কৰাৰ সামগ্ৰী । লগতে জব্দ কৰা হৈছে চিলিণ্ডাৰ কঢ়িওৱা AS 11 CC 8479, AS DC 1800 আৰু TR 01 C 1866 নম্বৰৰ ট্ৰাক । আটক হোৱা চক্ৰটোক বৰ্তমানে ত্ৰিপুৰা আৰক্ষীয়ে সোধপোছ অব্যাহত ৰাখিছে ।
