কৰিমগঞ্জ,15 ফেব্ৰুৱাৰীঃ দেওবাৰে সন্ধিয়া কৰিমগঞ্জৰ চূড়াইবাৰীত আৰক্ষীৰ অভিযানত নৈশ বাছৰ পৰা উদ্ধাৰ কৰা হয় বৃহৎ পৰিমাণৰ নিচা জাতীয় সামগ্ৰী । AS-01-LC-8919 নম্বৰৰ এখন যাত্ৰীবাহী বাহনত অভিযান চলাই উদ্ধাৰ কৰা হয় বৃহৎ পৰিমাণৰ গাঞ্জা ৷
আৰক্ষীয়ে জনোৱা মতে, উদ্ধাৰ হোৱা গাঞ্জা আছিল প্ৰায় 15 কেজি ৷ তিনিটা বেগৰ ভিতৰৰ আছিল অতি গোপনে অনা হৈছিল গাঞ্জাখিনি ৷ ত্ৰিপুৰা, আগৰতলাৰ পৰা গুৱাহাটী হৈ বিহাৰলৈ যোৱাৰ লৈ যোৱাৰ কথা আছিল এই বৃহৎ পৰিমাণৰ গাঞ্জাখিনি ৷
কৰিমগঞ্জৰ চূড়াইবাৰীত আৰক্ষীয়ে চলোৱা এই অভিযানত বৃহৎ পৰিমানৰ গাঞ্জা উদ্ধাৰ কৰিবলৈ সক্ষম হয় যদিও আৰক্ষীৰ চকুত ধূলি দি গাঞ্জা সৰবৰাহকাৰী জন পলাই যাবলৈ সক্ষম হয় ৷ আৰক্ষীয়ে গাঞ্জা সৰবৰাহকাৰী জন তৰুণ নৱসূত্ৰ বুলি চিনাক্ত কৰিছে ৷
ইতিমধ্যে আৰক্ষীয়ে এই সন্দৰ্ভত তদন্ত অব্যাহত ৰাখিছে ৷ অতি শীঘ্ৰেই গাঞ্জা সৰবৰাহকাৰী তৰুণ নৱসূত্ৰ আৰক্ষীৰ জালত পৰিব বুলি মন্তব্য কৰিছে কৰিমগঞ্জ আৰক্ষীয়ে ৷
লগতে পঢ়কঃ মাৰ্ঘেৰিটাত জব্দ কয়লা ভৰ্তি বাহন
