কৰিমগঞ্জ,30 অক্টোবৰ : কৰিমগঞ্জৰ গান্ধাই দাসগ্ৰাম এলেকাস্থিত হিজবুল্লাহ প্ৰীছিনিয়ৰ মাদ্ৰাছাত শুকুৰবাৰে সংঘটিত হয় এক ৰহস্যজনক অগ্নিকাণ্ডৰ ঘটনা ৷ পুৱতি নিশা প্ৰায় 4.30 বজাত স্থানীয় ৰাইজে মাদ্ৰাছাখনত জুই লগা প্ৰত্যক্ষ কৰি প্ৰথমে জুই নিৰ্বাপন কৰাৰ চেষ্টা চলাই ব্যৰ্থ হোৱাত অৱশেষত অগ্নি নিৰ্বাপক বাহিনীক খবৰ দিয়ে ৷
কৰিমগঞ্জৰ মাদ্ৰাছাত ৰহস্যজনক অগ্নিকাণ্ড
ঘটনাস্থলীত অগ্নিনিৰ্বাপক বাহিনী উপস্থিত হোৱাৰ পূৰ্বেই মাদ্ৰাছাখনৰ যাৱতীয় নথি-পত্ৰ ভষ্মীভূত হয় । মাদ্ৰাছাত বিদ্যুৎ সংযোগ নথকা মাদ্ৰাছাখনত কোনো দুষ্কৃতিকাৰীয়ে জুই লগাই দিয়াৰ সন্দেহ প্ৰকাশ কৰিছে স্থানীয় ৰাইজে ৷
লগতে পঢ়ক : নগাঁৱত শতাধিক ছাত্ৰ ছাত্ৰীৰ ছাত্ৰ মুক্তি সংগ্ৰাম সমিতিত যোগদান
