কৰিমগঞ্জ, 23 ছেপ্তেম্বৰ: পাথাৰকান্দি চহৰৰ মাজমজিয়াৰ বোকাময় পথে জ্বলাকলা খুৱাইছে সৰ্বসাধাৰণ ৰাইজক ৷ অসম-ত্ৰিপুৰা সংযোগী ৰাষ্ট্ৰীয় ঘাইপথটোৰ অৱস্থাই অশনি শংকেত কঢ়িয়াই আনিছে ৰাইজলৈ ৷ কিয়নো অতি বিপদজনক অৱস্থাত থকা বোকাময় পথটোত ইতিমধ্যে কেইবাবাৰো সংঘটিত হৈছে দুৰ্ঘটনা ৷ পথটোৰ বাবে সম্প্ৰতি ব্যাপক লোকচানৰো সন্মুখীন হৈছে চহৰখনত থকা ব্যৱসায়ীসকল ৷ কিয়নো বোকাময় পথ অতিক্ৰম কৰি সামগ্ৰী ক্ৰয় কৰিবলৈ আহিবও কুণ্ঠাবোধ কৰে গ্ৰাহকে ৷
পথটোৰ জৰাজীৰ্ণ অৱস্থাই ক্ষোভিত কৰি তুলিছে সৰ্বসাধাৰণ ৰাইজক ৷ কিয়নো স্থানীয় ৰাইজৰ মতে, বিগত 5 বছৰৰ পৰাই ৰাইজে সন্মুখীন হৈ আহিছে অনুৰূপ সমস্যাৰ ৷ পথ মেৰামতিৰ কাম কৰে যদিও আজিলৈ সেই কাম সম্পূৰ্ণ নকৰাৰো অভিযোগ কৰিছে ৰাইজে ৷ এই ক্ষেত্ৰত বিভাগীয় কৰ্তৃপক্ষক ৰাইজে বহুবাৰ অৱগত কৰিছে যদিও, কোনো সুফল নোপোৱাৰ অভিযোগো উত্থাপন কৰে ৷ ৰাইজৰ মতে, কৰিমগঞ্জ প্ৰশাসন আছে যদিও তেওঁলোক থকাটো ভিত্তিহীন ৷
লগতে পঢ়ক: আগন্তুক ২৪ ঘন্টাৰ ভিতৰত ধাৰাসাৰ বৰষুণৰ সম্ভাৱনা ৰাজ্যৰ ভিন্ন প্ৰান্তত
