কৰিমগঞ্জ , 16 এপ্ৰিল : কৰিমগঞ্জ জিলাৰ পাথাৰকান্দি আৰক্ষী থানাৰ অন্তৰ্গত ডেফলালা গাঁৱৰ জংঘলৰ পৰা উদ্ধাৰ হৈছে এগৰাকী ব্যক্তিৰ অৰ্ধগলিত মৃতদেহ । মৃতদেহটো ডেফলালা গাঁৱৰ ফাৰুক হুছেইন বুলি আৰক্ষীয়ে চিনাক্ত কৰিছে । শুকুৰবাৰে স্থানীয় লোকে মৃতদেহটো হাবিৰ মাজত পৰি থকা প্ৰত্যক্ষ কৰি পাথাৰকান্দি আৰক্ষী থানাত খবৰ দিয়ে । আৰক্ষীৰ লোক ঘটনাস্থলীত উপস্থিত হৈ মৃতদেহ উদ্ধাৰ কৰাৰ সমান্তৰালকৈ তদন্ত আৰম্ভ কৰে ।
স্থানীয় দণ্ডাধীশৰ উপস্থিতিত পাথাৰকান্দি আৰক্ষীয়ে মৃতদেহটো উদ্ধাৰ কৰি প্ৰাথমিক তদন্তত চাৰি পাঁচ দিন পূৰ্বে হত্যা কৰা হোৱা বুলি জানিব দিয়ে ৷ মৃতদেহটোৰ ডিঙিত যিহেতু আঘাতৰ চিন স্পষ্ট, সেয়েহে ব্যক্তিজনক চোকা অস্ত্ৰৰে ডিঙি কাটি হত্যা কৰি জংঘলৰ মাজত দুষ্কৃতিকাৰীয়ে পেলাই দিয়াৰ সন্দেহ কৰিছে আৰক্ষীয়ে । ইতিমধ্যে পাথাৰকান্দি আৰক্ষীয়ে মৃতদেহ উদ্ধাৰ কৰি মৰণোত্তৰ পৰীক্ষাৰ বাবে কৰিমগঞ্জ অসামৰিক চিকিৎসালয়লৈ প্ৰেৰণ কৰিছে ।
লগতে পঢ়ক : নিজ মাতৃয়ে চুৰীৰে হানি হত্যা কৰিলে ছমহীয়া সন্তানক
