কৰিমগঞ্জ, 4 নৱেম্বৰ : কৰিমগঞ্জৰ বদৰপুৰ আৰক্ষীয়ে লাভ কৰিছে বৃহৎ সাফল্য ৷ বুধবাৰে এক গোপন খবৰৰ ভিত্তিত কৰিমগঞ্জৰ বদৰপুৰ ৰাষ্ট্ৰীয় ঘাইপথত এখন ৱেগনাৰ বাহনত অভিযান চলাই কৰিমগঞ্জ আৰক্ষীয়ে এক কেজি দুশ গ্ৰাম ব্ৰাউন চুগাৰ জব্দ কৰাৰ লগতে এজন সৰবৰাহকাৰীক আটক কৰিবলৈ সক্ষম হয় ৷
জব্দকৃত ড্ৰাগচখিনিৰ বজাৰমূল্য 10 কোটি টকা হ‘ব বুলি আৰক্ষী সুত্ৰই প্ৰকাশ কৰিছে ৷ বাহনখন শিলচৰৰ পৰা ত্ৰিপুৰা অভিমুখে গৈ আছিল বুলি জানিব পৰা গৈছে ৷
আৰক্ষীয়ে বাহনখনৰ পৰা সাব্বিৰ আহমেদ নামৰ সৰবৰাহকাৰীটোক আটক কৰিছে যদিও বাহনখনত থকা অন্য কেইজন লোক পলাই সাৰিবলৈ সক্ষম হয় ৷
লগতে পঢ়ক: চাৰি দশকত শীৰ্ষ আদালতত সম্পন্ন ধৰ্ষণ আৰু হত্যাৰ 67 গোচৰৰ ৰায়দান
