ডিফু, ৬ জুন : পশ্চিম কাৰ্বি আংলং জিলাৰ টুম্প্ৰেঙস্থিত ক’ভিড কেয়াৰৰ কেন্দ্ৰৰ পৰা দুজন আচামী পলায়ন কৰা ঘটনাই চাঞ্চল্যৰ সৃষ্টি কৰিছে ৷ প্ৰাপ্ত খবৰ অনুসৰি শনিবাৰে নিশা কেন্দ্ৰটোৰ খিৰিকী ভাঙি পলায়ন দুই আচামীয়ে পলায়ন কৰে ৷
পলায়ন কৰা দুই আচামী ক্ৰমে বৰলংকি টিমুং আৰু জন ইংতি বুলি জানিব পৰা গৈছে ৷ জিলাখনৰ বিভিন্ন প্ৰান্তত উগ্ৰপন্থী বুলি ধন দাবী কৰাৰ অপৰাধত বিগত ২৮ মে’ত দুয়োকে হামৰেণ আৰক্ষীয়ে উমৰাংচুৰ পৰা গ্ৰেপ্তাৰ কৰিছিল বুলি জানিব পৰা গৈছে ৷
গ্ৰেপ্তাৰৰ পাচতেই ক’ভিডত আক্ৰান্ত হোৱাৰ বাবে দুয়োগৰাকী অপৰাধীক প্ৰশাসনে টুম্প্ৰেঙস্থিত ক’ভিড কেয়াৰ চেন্টাৰত ভৰ্তি কৰে ৷ প্ৰাপ্ত তথ্য অনুসৰি, দুয়োগৰাকী অপৰাধীক কৰ'ণাৰ চিকিৎসা কৰোৱা হৈছিল ৷ কয়দী দুগৰাকীক কৰায়ত্ব কৰাৰ বাবে হামৰেণ আৰক্ষীয়ে অভিযান অব্যাহত ৰাখিছে বুলি থানাখনৰ আৰক্ষীয়ে জানিবলৈ দিছে ৷
লগতে পঢ়ক : বিতৰ্কিত পোষ্টৰ বাবে ত্ৰিপুৰা চিপিআই(এম)ৰ দুই নেতাক আৰক্ষীৰ তলব
