ডিফু, ৯ ছেপ্টেম্বৰ: বোকাজানৰ বালিপথাৰত সংঘটিত হৈছে ভয়ংকৰ পথ দুৰ্ঘটনা (Road accident at Balipathar)৷ ৰৈ থকা বলেৰ’ পিকআপ ভানত প্ৰচণ্ড খুন্দা তীব্ৰবেগী বাইকৰ ৷ ফলত থিতাতে নিহত হয় দুগৰাকী মটৰ চাইকেল আৰোহী (Two people died in accident)৷
শুকুৰবাৰে বিয়লি সংঘটিত হৈছে এই মৰ্মান্তিত পথ দুৰ্ঘটনাটো ৷ প্ৰাপ্ত খবৰ অনুসৰি ৰৈ থকা এখন বলেৰ' পিক আপত তীব্ৰবেগী মটৰ চাইকেলে খুন্দা মৰাৰ ফলত সংঘটিত হয় দুৰ্ঘটনাটো (one injured in accident)৷ এই দুৰ্ঘটনাটোত থিতাতে নিহত হয় দুই বাইক আৰোহী ৷
ইফালে এই দুৰ্ঘটনাত আহত এগৰাকী কিশোৰীক সংকটজনক অৱস্থাত বোকাজান চিকিৎসালয়লৈ প্ৰেৰণ কৰা হৈছে (minor admitted in hospital)৷
বাইক আৰোহী কেইজনৰ বৰ্তমানেও পৰিচয় উদ্ধাৰ হোৱা নাই ৷ দুৰ্ঘটনা সংঘটিত হোৱা বলেৰ’ পিক আপ খনৰ নম্বৰ AS 16 AC 0986 আনহাতে বাইক খনৰ নম্বৰ হৈছে AS 09 G 7232 ৷
আৰক্ষীয়ে ঘটনাস্থলীত উপস্থিত হৈ মৃতদেহকেইটা উদ্ধাৰ কৰিছে ৷ ঘটনা সন্দৰ্ভত তদন্ত অব্যাহত ৰাখিছে আৰক্ষীয়ে ৷ নিয়ন্ত্ৰণ হেৰুৱাই তীব্ৰবেগী মটৰ চাইকেলখনে বলেৰ’ পিক আপ বাহনখনত খুন্দিওৱাৰ আশংকা কৰিছে আৰক্ষীয়ে ৷
লগতে পঢ়ক: দ্বিতীয় শ্ৰেণীৰ ছাত্ৰক গৰম পানী ঢালি বৰ্বৰ অত্যাচাৰ শিক্ষকৰ
