বোকাখাত, 4 মে' : আজিও অনগ্ৰসৰ হৈ ৰৈছে কাৰ্বি আংলং স্বায়ত্বশাসিত পৰিষদৰ (Karbi Anglong Autonomous Council) ডলামৰাৰ ১৭ নং ছচেংধেন্টা পৰিষদীয় সমষ্টিৰ অন্তৰ্গত ৰঙাগৰা অঞ্চল (Rangagara area of Karbi Anglong district) ৷ ৰাস্তা-ঘাট আৰু উন্নত চিকিৎসা কেন্দ্ৰৰ ব্যৱস্থা নোহোৱাৰ ফলত এতিয়া ত্ৰাহি মধুসূদন সুঁৱৰিছে ৰাইজে ৷
উল্লেখযোগ্য যে, অঞ্চলটোৰ কানিয়া ইংলেং গাঁৱৰ বাসিন্দা ৰাহুল ইংলেঙৰ পত্নী হেমা টকবিপীক গৰ্ভাৱস্থাত চিকিৎসা কেন্দ্ৰত ভৰ্তি কৰাবলৈ সুচল পথ নথকাৰ ফলত ঠেলাৰে মহিলাগৰাকীৰ চিকিৎসালয়লৈ নিয়ে স্থানীয় ৰাইজে ৷ কেৱল এয়াই প্ৰথম নহয় ইয়াৰ পূৰ্বেও এনেধৰণৰ বহু ঘটনা সংঘটিত হৈ যোৱা বুলি জানিবলৈ দিয়ে অঞ্চলটোৰ স্থানীয় ৰাইজে ৷
সম্প্ৰতি এই সমস্যাসমূহৰ পৰা পৰিত্ৰাণ পাবলৈ স্থানীয় পৰিষদৰ কাৰ্যবাহী সদস্যা কাছে ৰংপিপীক আহ্বান জনাইছে অঞ্চলটোৰ স্থানীয় ৰাইজে ৷ অন্যথা আগন্তুক নিৰ্বাচনত ভোট বৰ্জন কৰাৰো হুংকাৰ প্ৰদান কৰে ৰাইজে ৷
লগতে পঢ়ক : কাৰ্বি আংলং স্বায়ত্ব পৰিষদৰ প্ৰথমখন স্বতন্ত্ৰ বাজেট গৃহীত
